Wiktor Iwanowitsch Pazajew

Wiktor Iwanowitsch Pazajew (russ. Виктор Иванович Пацаев}}, wetenschaplich Transliteratschoon Viktor Ivanovič Pacaev}}; * 19. Juni 1933 in Aktjubinsk, Kasachstan; † 30. Juni 1971) weer en sowjeetsch Kosmonaut, de an de Sojus-11-Mission deelnommen hett un dör en unverwacht Druckaffall in de Kabien to Dood keem.

Pazajew tosommen mit de Mannschap vun Sojus-11 up en Breefmark vun de UdSSR

Leven

As Pazajew acht Johr olt weer, hett he all sien Vader bi de Verteidigung vun Moskau in' Tweeten Weltkrieg verloren. He hett dat Industrieinstitut in Pensa besöcht un wurr nah sien Afsluss 1955 dat zentrale floogwetenschplich Observatorium (ЦАО) in Moskau towiest, wo he an de Entwicklung vun meteorologisch insett Raketen mitarbeit hett. 1958 wessel he an dat Experimental-Konstruktschonsbüro OKB-1, dat sück mit de Entwicklung vun Prototypen för de Weltruumtechnik befaaten dee.

Ruumfohrertätigkeit

Siet 1968 nehm Pazajew as nichtmilitärisch Spezialist an dat Vörbereitensprogramm för Kosmonauten deel. In' April 1971 hörr he to dat Ünnerstüttensteam vun de Sojus-10-Mission un in' Juni 1971 weer he de Ingenieur an Bord vun de Forschensmission Sojus 11, de 23 Daag un 18 Stünn düer. De beid anner Liddmaaten weern Kommandant Georgi Timofejewitsch Dobrowolski un Testingenieur Wladislaw Nikolajewitsch Wolkow.

Nah en normalen Wedderinträe in de Eerdatmosphäre wurr de Landekapsel apen maakt un de Crew dood upfunnen. As Doodsoorsaak wurr en apen Ventil faststellt, dör dat de Kapselatmosphäär entwieken kunn, wat to'n Dood dör Sticken vun de Besatten führt harr. An een vun Pazajew sien Hann'n wurr faststellt, dat de besehrt weer, wat mögelkerwies entstahn is, as he versöcht hett, dat Ventil vun Hand to sluuten, bevör he dat Bewusstween verlor.

De Urnen vun de dree Besattenlidmaaten vun Sojus 11 wurrn an de Kremlmüer in Moskau bisett. Pazajew kreeg postum de Utteknung Held der Sowjetunion. Later hett man noch en Maandkrater, en Forschensschipp (Kosmonawt Wiktor Pazajew) vun de so nömmt Kosmischen Flotte un den Asteroiden (1791) Patsayev nah hüm nömmt.

Weblenken

• spacefacts.de: Körtbiografie