Wilfried Geiger
Wilfried Geiger (* 23. September 1952 in Stood) is en düütschen Kommunalpolitiker. He weer von 2006 bet 2014 de hauptamtliche Börgermeester von de Stadt Bookholt.[1]
Geiger is 1952 in Stood boren. Nadem he de School afslaten hett, hett he en Loopbahn in de Verwaltung anfungen. He is Diplom-Verwaltungswirt (FH) un weer 21 Johr in de Stadtverwaltung von Buxthu. To’n 1. November 1991 is he denn in de Verwaltung von de Stadt Bookholt wesselt.
In Bookholt weer Geiger toeerst Amtsleiter, denn Dezernent un Stadtkämmerer. He weer blangen de Finanzen ok för Personal un Bo tostännig.
Geiger is an’n 10. September 2006 as parteilosen Kannedaat mit 67,5 Prozent von de Stimmen för acht Johr as Börgermeester von Bookholt wählt worrn un weer dormit de Nafolger von Börgermeester Norbert Stein von de SPD. Bi de nächste Wahl an’n 25. Mai 2014 hett he sik nich wedder opstellen laten, vonwegen dat he al kort vör dat Rentenöller weer.[2]
Siene Amtstied is an’n 31. Oktober 2014 aflopen un sien Nafolger weer denn Jan-Hendrik Röhse von de CDU.
In siene Freetied is he in’n Rotary Club aktiv.[1]
Footnoten
ännern- ↑ a b Wilfried Geiger – Profil. Websteed von de Stadt Bookholt. Afropen an’n 7. Dezember 2012.
- ↑ Bürgermeister Wilfried Geiger tritt nicht mehr an Bericht von dat Hamburger Abendblatt von’n 19. November 2013