Wilhelm Bungert (* 1. April 1939 in Mannheim) is en ehmalger düütsch Tennisspeler.

Bungert fung mit söss Johren an Tennis to spelen. Sien eerst Vereen weer MTG Mannheim he wessel aber nah en lütt Sett to Grün-Weiss Mannheim. Mit 15 Johr weer he all badisch Meester un mit 17 Johren hörr he all to dat düütsch Daviscup-Team berufen.

1963 un 1964 stunn he in Wimbledon in’t Halffinale, 1962 in dat Veertelfinale vun de Australian Open. In de Düppelkonkurrenz stunn he in dat sülvig Johr bi de French Open (tosommen mit Christian Kuhnke) un de Monte Carlo Masters jeweils in’t Endspeel.

Bungert weer nah Gottfried von Cramm de tweet düütsch Speler, de in’t Finale vun Wimbledon keem. Dor verlor he aber 1967 gegen den Australier John Newcombe. Bungert speel allerdings to en Tiet in Wimbledon, as de starksten Speler vun de Welt nich deelnehmen drüffen, wiel se as Profis vun de Amateurturnier as de Grand-Slam-Turniere utslooten weern.

1970 stunn he tosommen mit Christian Kuhnke mit dat düütsch Team in’t Finale vun den Daviscup, dat aber gegen de amerikaansch Mannschap glatt mit 0:5 verloren gung. All tosommen hett Wilhelm Bungert 102 Daviscup-Insatzen harrt, vun de he 66 wunnen hett.

In den 1980er Johren weer Bungert Kapitän vun dat düütsch Daviscup-Team um Boris Becker un Michael Westphal, dat weer in’ t Endspeel keem un dor gegen den Mannschap ut Sweden mit 2:3 verlor. Later wurr he as Daviscup-Kapitän vun Niki Pilic aflööst.

Heute bedrifft Wilhelm Bungert en Tenniszentrum in Hilden.

Weblenken ännern