William Wallace (Komponist)

William Wallace (* 3. Juli 1860 in Greenock; † 16. Dezember 1940 in Malmesbury) weer en schottsch Komponist, Musikschriever un Ogendokter.

Leven ännern

William Wallace worr 1860 in Greenock in Schottland boren, so as acht Johr later de Komponist Hamish MacCunn. Sien Vader James Wallace weer en bedüdent Chirurg. So studeer Wallace Medizin an de Universität Glasgow, bet 1885 Chirurgie, denn Ophthalmologie (Ogenheelkunn). Man an’n Enn hett sik sien Möög för de Musik dörsett, un vun 1889 an studeer he in London an de Royal Academy of Music. Dor lehr he ok den schottschen Komponisten Granville Bantock kennen, mit den he de Tietschrift The New Quarterly Musical Review rutbröch. Wallace heiraad de Bildhauersche Ottilie Helen McLaren, en Schölersche vun Rodin. In’n Eersten Weltkrieg arbeid he as Dokter in’t britsche Heer, dat he 1919 as Hööftmann verleet. Later lehr he as Perfesser för Harmonie un Kompositschoon an de Royal Academy of Music, as sien Landsmann John Blackwood McEwen dor Rekter weer.

Musik un Böker ännern

As Komponist stunn Wallace ünner den Infloot vun Richard Wagner un Franz Liszt. He schreev söss sinfonische Dichtungen, un de eerste, The Passing of Beatrice (1892), wiest sünnerlich op Liszt sien Stil und op siene Dante-Symphonie. Later worr Wallace sien Tonspraak moderner. Sien Hööftwark is de Creation Symphony (1899), in de he veel Numerologie (Tallensymbolik) inboot hett. 1905 komponeer he to’n 600. Doodsdag vun William Wallace, den schottschen Freeheitskämper („Braveheart“), en Tondichtung för sien Naamsvedder. De satirisch Ballade The Massacre of the Macphersons (1910), en snaaksch Mengsel ut Themen ut Wagner sien Ring un traditschoonnell schottschen Melodien, weer sien letzt Kompositschoon.

Blangen de Musikwarken schreev Wallace ok veer Böker över Musik, de sien Smack för Liszt un Wagner wedderspegelt: The Threshold of Music (1908), The Musical Faculty (1914), Richard Wagner as he Lived (1925) un Liszt, Wagner and the Princess (1927).

Warken ännern

Opern ännern

  • Brassolis. Lyrisch Tragödie in een Akt (1896)

Orchesterwarken ännern

  • An American Rhapsody (1891)
  • A Scots Fantasy (1891)
  • The Lady of the Sea. Suite in A (1891-92)
  • The Passing of Beatrice. Sinfonische Dichtung Nr. 1 (1892)
  • Prelude to The Eumenides (1893)
  • In Praise of Scottish Poesie. Konzertouvertüre (1894)
  • Amboss oder Hammer. Sinfonische Dichtung Nr. 2 (1896, verloren)
  • Romeo and Juliet. Schauspeelmusik (1896)
  • Pelléas et Mélisande. Schauspeelmusik (1897), dorut Suite in fief Sätzen (1900)
  • Asperges. Sinfonische Dichtung (1898, nich fardig maakt)
  • The Covenanters. Sinfonische Dichtung (1898, nich fardig maakt)
  • The Forty-Five. Sinfonische Dichtung (1898, nich fardig maakt)
  • The Creation. Symphonie cis-moll (1896-99)
  • Sister Helen. Sinfonische Dichtung Nr. 3 (1899)
  • Greeting to the New Century. Sinfonische Dichtung Nr. 4 (1900-01)
  • William Wallace AD 1305-1905. Sinfonische Dichtung Nr. 5 (1905)
  • Villon. Sinfonische Dichtung Nr. 6 (1909)

Klaveerwarken ännern

  • A Suite in the Olden Style

Vokalwarken ännern

  • A Festival Mass för Chor un Orchester (1886-88)
  • Carmen Glasguense för Chor (1888)
  • Lord of Darkness. Scena för Bariton un Orchester (1890)
  • The Rhapsody of Mary Magdalen för Sopran un Orchester (1896)
  • Freebooter Songs för Bariton un Orchester (1899)
  • Jacobite Songs för Stimm un Orchester (1900)
  • The Outlaw. Ballade för Bariton, Mannschor un Orchester (1908)
  • The Massacre of the Macpherson. Burlesk Ballade för Mannschor un Orchester (1910)
  • Keholeth. Symphonie för Chor un Orchester (nich fardig maakt)

Weblenken ännern