4P/Faye
| 4P/Faye | |
| Egenschoppen vun’n Orbit (Simulatschoon) | |
|---|---|
| Orbitklass | kortperioodsch |
| Grote Halfass | 3,846 AE |
| Perihel — Aphel | 1,666 — 6,026 AE |
| Bahnexzentrizität | 0,5666 |
| Bahnnegen gegen de Ekliptik | 9,032 ° |
| Ümlooptiet | 7,55 a |
| Physikaalsch Egenschoppen | |
| Dörmeter | 3,54 km |
| Periheldörgang | 29. Mai 2014 |
| Historie | |
| opdeckt vun | Hervé Faye |
| an’n | 23. November 1843 |
| in | Paris |
4P/Faye is en kortperioodschen Komeet ut de Jupiter-Familie, de in’n November 1843 an de Pariser Steernwacht vun den franzööschen Astronom Hervé Faye opdeckt worrn is. De Komeet hett en Ümlooptiet vun ruchweg söven’nhalf Johren un is siet sien Opdecken bi jeed Wedderkamen beoacht worrn (mit twee Utnahmen). De nächste Periheldörgang is för Enn Mai 2014 berekent worrn.[1]
De eerste Beobachten dör Faye weer an’n 23. November 1843. Man, wegen slecht Weder künn de Komeet eerst twee Daag later bestätigt warrn.[2] De Komeet weer nich sünnerlich hell un weer eerst opdeckt, nadem he sien Perihel al dörlopen harr. In’t Johr 1844 hett Thomas James Henderson de Bahn berekent un faststellt, dat dat en kortperioodschen weer. Urbain Le Verrier hett dorophen de Öörd för sien Torüchkamen 1951 utrekent un den Periheldörgang op April 1951 bestimmt. James Challis hett em in’n November 1850 dicht bi de vörrutseggten Steed wedder funnen.[2]
Wegen slechte Bedingen to’n Beobachten is de Komeet in de Johren 1903 un 1917 nich faststellt worrn. Bi sien letzten Dörgang hett de Komeet en schienbore Helligkeit vun 9mag hatt.[3]
Kiek ok
ännernBorns
ännern- ↑ Syuichi Nakano: OAA Computing and Minor Planet Sections; afropen an’n 18. Februar 2012
- ↑ a b Gary W. Kronk: Cometography Home Page; afropen an’n 25. Dezember 2005
- ↑ Seiichi Yoshida: Seiichi Yoshida’s Comet Catalog; afropen an’n 24. September 2007
Weblenken
ännern- 4P/Faye vun Seiichi Yoshida op aerith.net (engelsch)
- 4P/Faye Historie op Gary W. Kronk sien Cometography (engelsch)