Wapen/Flagg Koort
hett keen Wapen
Abelhorst
Laag vun Abelhorst in Düütschland
Basisdaten
Bundsland: Neddersassen
Landkreis: Cuxhoben
Gemeen: Beverst
Inwahners:
Postleettall: 27616
Vörwahl: 04747
Geograafsche Laag:
Koordinaten:53° 28′ N, 8° 54′ O
53° 28′ N, 8° 54′ O

Abelhorst (hoochdüütsch Abelhorst) is en Oort in de Gemeen Beverst in’n Landkreis Cuxhoben, Neddersassen. De Oort höört polietsch al von öllers bi Appeln mit bi.

GeografieÄnnern

De Oort liggt op de Wersermünner Geest in en Rebeed mit enkelte Hölter un Moorland. Dat Water ut dat Rebeed flütt af över den Frellsdorper Möhlenbeek, de en poor hunnert Meter in’n Westen von’n Oort langslöppt.

De Naveröörd sünd Frellsdorp in’n Noorden, Thebü un Hipst in’n Noordoosten, Mals un Havekesch in’n Oosten, Appeln in’n Süden, Oosterndörp in’n Süüdwesten un Wolljes in’n Westen.

HistorieÄnnern

VerwaltungsgeschichtÄnnern

In de Franzosentied von 1810 bet 1814 hett de Oort to de Mairie Beverst in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1851 to de Huusvaagdie Beverst in dat Gericht Beverst tohöört un denn von 1851 bet 1859 to dat Amt Beverst. 1859 is dat Amt Beverst oplööst worrn un de Oort keem an dat Amt Leh. Na 1885 weer dat in’n Kreis Geestmünn, is 1932 Deel von’n Kreis Wersermünn worrn un 1977 von’n Landkreis Cuxhoben.

De Oort höört von öllers to Appeln. De Gemeen Appeln is an’n 1. April 1971 Deel von de Samtgemeen Beverst un an’n 1. November 2011 denn Deel von de Eenheitsgemeen Beverst worrn.

InwahnertallÄnnern

Johr Inwahners
1791-00-001791[1] 1 Füürsteed
1812-00-001812[2] 5
1824-00-001824[3] 1 Füürsteed
1848-00-001848[4] 6 Lüüd. 1 Huus
1871-12-011. Dezember 1871[5] 3 Lüüd. 1 Huus
1885-12-011. Dezember 1885[6] 9 Lüüd. 2 Hüüs
1905-12-011. Dezember 1905[7] 9 Lüüd. 1 Huus

ReligionÄnnern

Abelhorst is evangeelsch-luthersch präägt un höört to dat Kaspel von de Fabian-un-Sebastian-Kark in Beverst.

För de Kathoolschen is de Hillig-Hart-Jesu-Kark in Geestmünn tostännig.

Weertschop un InfrastrukturÄnnern

VerkehrÄnnern

Dör Abelhorst löppt de Kreisstraat 41, de in’n Noorden na Frellsdorp an de K 40 geiht un in’n Süüdwesten över Appeln na Beverst an de Landsstraat 128 un de Bundsstraat 71. De K 40 föhrt von Frellsdorp in’n Oosten na Hipst un över de K 144 un K 116 na de Bundsstraten B 71/B 64 un na Bremervöör. In’n Noordwesten löppt de K 40 na Geestenseth an de Landsstraten L 128 un L 143 ran. De L 143 von Geestenseth ut un de B 71 von Beverst ut loopt all beid na Bremerhoben.

En lüttjere Straat (Abelhorster Weg) löppt in’n Westen na Wolljes.

De nächste Autobahn is de Autobahn 27 (Afsnidd BremenBremerhoben). De Opfohrten 8 Geestmünn un 9 Wulsdörp doot all beid so 22 Kilometer in’n Westen von Abelhorst liggen.

De nächste Bahnhoff is so bi dree Kilometer wied weg in’n Noorden de Bahnhoff Frellsdorp an de Bahnlien Bremerhoben–Buxthu.

FootnotenÄnnern

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 3
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 102
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 2
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 148
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 151
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 162
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 50