Bundsstraat 71
De Bundsstraat 71 is en Bundsstraat in Düütschland, de vun Bremerhoben bet na Meideborg geiht un 391 Kilometer lang is.
 | |
| Basisdaten | |
|---|---|
| Längd alltohoop: | 391 km |
| Bundslänner: | Bremen Neddersassen Sassen-Anholt |
| Grundricht: | Noordwest-Süüdoost |
| Koort | |
 Verloop von de Bundsstraat 71
| |
|
Verloop/Anslüss
| |
Verloop
ännernDe Bundsstraat hett ehren Anfang an’n Süüdrand von Wulsdörp an de B 6. Dat is nich wied af von Bremerhoben un de Ünnerwerser. Al en kort Stück achter Wulsdörp is se an de A 27 (Afsnidd Bremen–Bremerhoben) anslaten. Von dor löppt se na Oosten över Beverst na Basdaal un drippt dor op de B 74. Von Basdaal bet Bremervöör hebbt B 71 un B 74 densülven Verloop. Na de Brügg över de Oost in Bremervöör deelt sik de beiden Bundsstraten wedder. De B 74 löppt denn na Noordwesten na Stood un de B 71 na Süden. Se föhrt över Zeven na Rodenborg un krüüzt dorbi de A 1 (Afsnidd Hamborg–Bremen). De B 71 drippt in Rodenborg op de B 75 un de B 215. Von Rodenborg wennt de Straat sik na Süüdoosten in de Lümbörger Heid un föhrt na Neenkerken, Soltau un Munste. Twüschen Soltau un Munste krüüzt se de A 7 (Afsnidd Hannover–Hamborg) un is kort achter de Autobahn Utgangspunkt von de B 209 (na Lümborg). Von Munste geiht dat wieder na Ülzen. Dor is de B 71 anbunnen an de B 4/B 191. De B 71 löppt von dor an Suhlendörp un dat Wendland langs över Bargen an de Dumm na Soltwedel in de Oltmark. Twüschen Bargen un Soltwedel krüüzt se de fröhere Staats- un hüdige Landsgrenz von Neddersassen na Sassen-Anholt. De B 71 is in Soltwedel anslaten an de B 190 un B 248. Von Soltwedel geiht dat na Garlä. Dor krüüzt de Straat de B 188. Wieder geiht dat dör de Colbitz-Nätzlinger Heid na Halslä (Ansluss an de B 245) un Meideborg. In Meideborg is de B 71 verbunnen mit de A 14, A 2 (Afsnidd Bruunswiek–Meideborg–Berlin), B 189 un B 1. Se is hier as en Autobahn utboot, löppt merrn dör de Stadt un billt en Deel von’n Meideborger Ring. Toletzt münnt de B 71 bi Otterslä in’n Süden von Meideborg in de B 81.
Historie
ännernDat System von de Bundsstraten is 1932 inföhrt worrn. Toeerst hebbt se Feernverkehrsstraten (FVS) un von 1934 af an Rieksstraten (R) heten. De FVS 71/R 71 is in düsse Tied von de Grenz na de Nedderlannen bi Leer över Ollnborg un Bremen na Rodenborg lopen un is dor eerst op’n hüdigen Verloop von de B 71 drapen. Eerst en poor Johr later is de Afsnidd von de Grenz bet na Rodenborg denn Deel von de B 75 worrn. De B 71 hett dorför denn den Afsnidd Bremerhoben–Rodenborg tokregen, de vörher Deel von de B 74 weer.
In’n Süden güng de Straat fröher bet Könnern. De Afsnidd von Meideborg bet Könnern is 2009 denn aver to Landsstraten rafstuft worrn, nadem de parallele A 14 trech worrn is.
Nedderlandsche Grenz bet Rodenborg
ännernDüsse Afsnidd weer to Anfang Deel von de FVS 71/R 71, is denn aver fröh Deel von de R 75 worrn. Düsse Straat is vondaag in’n Afsnidd von Bunn bet Hesel de B 436, von Hesel bet an de A 28 bi Moorborg de L 24, von Moorborg bet Westerstäe de K 347, von Westerstäe bet an de A 28 bi Westerholtsfeld de L 815, von Westerholtsfeld bet Ollnborg de K 137/K 348, in dat Ollnborger Stadtrebeed de Ammerlanner Heerstraat, Ofener Straat, Theaterwall, Slottwall, Damm, Bremer Straat un Bremer Heerstraat, von Ollnborg bet Hurrel de L 868, von Hurrel bet Gannerseer/Bookhorn de K 343, von Bookhorn bet Huchten de L 887, von Huchten bet Bremen-Oosterholt in dat Bremer Stadtrebeed de Ollnborger Straat (B 75), Duckwitzstraat, Neenlanner Straat, Friedrich-Ebert-Straat, Willem-Kaisen-Brügg, Tiefer, Oosterdiek, Malerstraat, Hastedter Heerstraat, Segelsbrugger Heerstraat un Oosterholter Heerstraat, von de A 27 twüschen Bremen-Oosterholt un Eiten bet an de A 1 bi Stuckenbossel de L 168 un toletzt von Stuckenbossel bet Rodenborg de B 75.
Bremerhoben bet Rodenborg
ännernDüsse Afsnidd weer toeerst Deel von de FVS 74/R 74. Eerst as de Afsnidd von de Nedderlannen na Rodenborg Deel von de R 75 worrn is, is düsse Afsnidd dorför Deel von de R 71 worrn.
In Bremerhoben is de Straat fröher von Hogeworth liekut na Wulsdörp lopen. De Straat hett in Wulsdörp Linnenstraat heten un is an de B 6 rangahn. An’n 5. Dezember 2006 hett en Süüdümgehung apenmaakt, de nu üm Wulsdörp rümlöppt un dor denn an de B 6 anslütt.
De Ümgehungsstraat üm Beverst, de fiev Kilometer lang is, is an’n 13. September 2005 för den Verkehr freegeven worrn. Vörher güng de Straat över de Ole Bundsstraat un Logestraat. Düsse Straten höört nu deelwies to de L 134 un L 128.
In Zeven güng de Straat fröher direkt dör dat Zentrum (Labesstraat un Lange Straat). Eerst 2001/2002 is de Kivinanstraat boot/ümboot worrn, so dat de Bundsstraat op en een Kilometer lang Enn üm dat Zentrum rüm löppt. De Lange Straat is to en Footgängerzoon worrn.
Rodenborg bet Meideborg
ännernDe Straat von Meideborg över Soltwedel na Ülzen is 1843 as Schossee utboot worrn un weer later de prüüßsche Staatsschosssee Nr. 86.
De Ümgehungsstraat üm Garlä is in dat Johr 2000 trech worrn. Vörher güng de Straat över de Ackendörper Landstraat, Sandstraat, Bahnhoffstraat un de Meideborger Landstraat.
De Ümgehungsstraat üm Halslä is üm 1998 rüm boot worrn. Vörher güng de Straat över de Bornsche Straat un de Meideborger Straat.
Twüschen Meitzendörp un Dalenwarslä is de B 71 in’n Rahmen von de Vörarbeiden to de A 14 en beten verswenkt worrn.
De Afsnidd twüschen Garlä un Meideborg över de Colbitz-Nätzlinger Heid güng bet 1936 von Garlä na Dolle un von dor över Colbitz, Wolmirstedt un Barleben na Meideborg. As de Truppenövungsplatz Oltmark inricht worrn is, is de Straat 1936 ümleggt worrn. De Afsnidd von Dolle bet Meideborg-Kannenstieg billt vondaag de B 189. To’n groten Deel nimmt de B 189 vondaag aver nich mehr den olen Loop. Hüdigendaags geiht de B 189 mit en Ümgehungsstraat üm Barleben un Wolmirstedt rüm, de ole Loop güng dör de Öörd dör. Ok Colbitz hett in’n Rahmen von de Arbeiden an de A 14 en Ünmgehungsstraat kregen.
Meideborg bet Könnern
ännernBet 2009 is de B 71 bet Könnern lopen. Se is von Otterslä över Dodendörp, Atzendörp, Förderstedt un Neugattersleben na Bernborg lopen un von dor wieder över Peißen, Bebitz un Trebitz na Könnern. Se billt dor nu de L 50. In’n Süden von Bernborg bi Zepzig is de Straat över en Kalibargwark lopen, dat mit Water vulllopen is. Dorüm keem dat to Eerdfäll un de B 71 müss in en Bagen üm dat Rebeed rümleggt warrn.
De Straat von Meideborg na Halle is twüschen 1788 un 1796 as eerste Straat in dat hüdige Sassen-Anholt as Schossee utboot worrn un weer later de prüüßsche Staatsschosssee Nr. 65
