After the Sunset
After the Sunset (op plattdüütsch so veel as „Na Sünnünnergang“) is de Titel vun en US-amerikaanschen Heist-Movie ut dat Johr 2004. Speelbaas vun den Film weer Brett Ratner, de Hööftrullen speelt Pierce Brosnan un Salma Hayek.
| Filmdaten | |
|---|---|
| Plattdüütsch Titel: | — |
| Originaltitel: | After the Sunset |
| Düütsch Titel: | After the Sunset |
| Produkschoonsland: | USA |
| Johr vun’t Rutkamen: | 2004 |
| Läng: | 96 Minuten |
| Originalspraak: | Engelsch |
| Öllersfreegaav in Düütschland: | FSK 6 |
| Filmkru | |
| Speelbaas: | Brett Ratner |
| Dreihbook: | Paul Zbyszewski |
| Produkschoon: | Kent Alterman u. a. |
| Musik: | Lalo Schifrin |
| Kamera: | Dante Spinotti |
| Snitt: | Mark Helfrich |
| Dorstellers | |
| |
Inholt
ännernMax un Lola sünd en Ehpoor, dat sik mit Inbreken un annere Gaunereen veel Geld verdeent hebbt. De Film fangt dormit an, as de beiden mit hoochtechnische Spelereen en Demant ut de Hannen vun den FBI-Mann Stan Lloyd klauen doot. Nu hebbt se de Snuut aver vull un wüllt op de Bahamas in Rohstand gahn un dat Leven geneten. Dor warrt he aver vun Lloyd opfunnen, de em vun en legendären Napoleon-Demanten vertellt, de an Boord vun en Krüüzfohrtschipp in’n Haven utstellt warrt. Max springt foorts dorop an un versöcht ruttofinnen, woans he an den Demant rankamen kann, wat sien Fro gor nich gefallen deit, vunwegen dat Max bi’n letzten Roov meist vun Lloyd doodschaten worrn weer. Lloyd dorgegen deit sik mit en inheemsche Polizistin tosamen un hapt, Max in flagranti fastnehmen to künnen, üm de olle Reken to beglieken.
Twüschen de beiden geiht en Katt-un-Muus-Speel los. Man denn is dor ok noch de Verbreker Henri Mooré, de ok op den Demanten scharp is. Mooré nimmt Kuntakt op to Max un betahlt em dorför, dat he en sekeren Plaan utarbeiten schall, an den Steen rantokamen. To’n Schien geiht Max dorop in un klamüstert en Plaan ut, de Mooré un sien Lüüd direkt in en Fall föhren deit. In de Twüschentiet kamt sik Stan un Sophie neger. De beiden frünnt sik bito mit Max un Lola an. As de veer tosamen en Nacht in de See duken gaht, kann sik Max mit sien technischen Spelereen vun de Grupp afsetten un mit en spektakulären Plaan den Demant klauen un versteken. Togliek hett he dör dat Duken en Alibi. Binah geiht de Saak aver scheev. Blots dör dat Ingriepen vun Lola blifft sien Alibi bestahn. Man, se is bannig suer op Max, vunwegen dat he verspraken harr, den Demant nich to roven. As nu rutkummt, dat de Demant roovt worrn is, warrt Mooré grantig. He föhrt na dat Huus vun de beiden un nimmt Lola as Börg. Stan un Sophie künnt ehr aver redden un scheet Mooré dorbi dood.
Opletzt vertellt Lloyd, den se al vör dree Maanden bi’n FBI rutsmeten hebbt, dat he Max bi de Nees harr un mit den Demant verswinnen will. In de Slussszeen warrt Stan in sien Auto dör Max sien Feernstüern roovt - jüst so as em dat to Anfang vun’n Film al passeert is.
Kritik
ännern- Lexikon vun’n internatschonalen Film: „Ein in exotischen Schauplätzen, glamourösem Luxus und einer fotogenen Besetzung schwelgender Einbrecherfilm, der sich seiner Vorbilder, darunter Hitchcocks ‚Über den Dächern von Nizza‘, zwar bewusst ist, mit diesen aber außer dem schönen Schein nichts gemein hat.“
- De bekannte Filmkritiker James Berardinelli betekent den Film as vörrutsehbor un „keen grote Kunst“, hollt em aver för technisch goot maakt. De Film geev „100 Minuuten Ünnerholen ahn Ansprook“.[1]
Borns
ännernWeblenken
ännern- After the Sunset in de Internet Movie Database (engelsch)
- Kritiken to’n Film op Rotten Tomatoes