Airport Link Road
De Airport Link Road is en Straat in’n Distrikt Belize von dat Land Belize, de den George Price Highway mit’n Philip S. W. Goldson International Airport verbinnen schall.
De Straat löppt von’n Oort Western Paradise bi de Miel 8 von’n George Price Highway na Noorden dör en Fuchtrebeed un mit en Brügg över’n Belize River bet na de Airport Road, de den Flegerhaven mit’n Philip Goldson Highway in Ladyville verbinnen deit. De Straat is acht Kilometer lang.
De ne’e Straat schall den Weg ut’n Westen von dat Land (över’n George Price Highway) na’n Flegerhaven üm teihn Kilometer körter maken. De Verkehr güng betherto över Burrell Boom Cutoff un Philip Goldson Highway oder över Belize-Stadt un Philip Goldson Highway.
Plaans för’n Bo von de Straat sünd 2017 rutkamen. An’n 7. Mai 2018 is en Verdrag mit Cisco Construction Limited ünnertekent worrn, de en Volumen von 34,3 Milljonen Belize-Dollar hett.[1] Dat Geld dorto keem ut en Dorlehn von’n OPEC-Fonds för Internatschonale Entwicklung.[1] Na de Plaans schall de Straat 2020 trech warrn (Stand 2019).
De Brügg över’n Belize River schall 81,7 Meter lang warrn.[1]
Footnoten
ännern- ↑ a b c Airport link road contract signed for $34 million, Breaking Belize News an’n 7. Mai 2018
Highways: George Price Highway | Hummingbird Highway | Philip Goldson Highway | Southern Highway
Annere: Airport Link Road | Burrell Boom Cutoff | Chiquibul Road | Manatee Highway | Old Northern Highway | San Antonio Road
Koordinaten:17° 31′ N, 88° 18′ W