Albert Marth (* 5. Mai 1828 in Kolberg, Pommern; † 5. August 1897 in Heidelbarg) weer en düütsch Astronom.

Albert Marth

Marth studeer eerst Theologie an de Berliner Universität. Wiel he sück aber immer mehr für Mathematik un Astronomie interesseeren de, hett he denn en Studium vun de Astronomie bi Christian August Friedrich Peters in Königsberg upnommen.

In dat Johr 1853 folg he de Roop vun George Bishop nah London, wo he Assistent vun John Russell Hind wurr. 1854 wurr he de sien Nahfolger an de dortig Steernwacht.

An’ 1. März 1854 hett he de Asteroid Amphitrite opdeckt.

Van 1855 bit 1862 wurr he as Nahfolger vun Georg Rümker Assistent vun Tempel Chevallier an dat Durham Observatorium, Potters Bank, England. Dornah wurr he vun William Lassell as Observator in en Privatsteernwacht up Malta engageert. Marth hett ruch weg 600 neblig Objekte in de Tiet van 1863 bit 1865 opdeckt. Dornah harr Marth mehrere lütt Anstellungen un weer siet 1883 hööftsächlich in.

1882 weer he Deelnemmer an de Venustransit-Expedition to dat Kap der Guten Hoffnung.

1883 kreeg he en Stäh an de Colonel Edward Henry Cooper's Steernwacht up Markree Castle bi Sligo/Irland.

Marth hett sien letzte Johren in Düütschland verbrocht. He is an’ 5. August 1897 in Heidelbarg an Krebs storven.

En Krater up de Maand is nah hüm nömmt.

Weblenken ännern