Alpershusen

Wapen/Flagg	Koort
Basisdaten
Bundsland: Neddersassen Landkreis: Rodenborg Samtgemeen: Zittens Gemeen: Homersen
Inwahners:
Postleettall:	27419
Vörwahl:	04282
Geograafsche Laag:	53° 15′ N, 9° 26′ O

Alpershusen (hoochdüütsch Alpershausen) is en lütten Oort in de Gemeen Homersen (Samtgemeen Zittens) in’n Landkreis Rodenborg, Neddersassen. De Oort höört polietsch al von öllers bi Homersen mit bi.

Geografie

Alpershusen liggt an’n Alpershusener Möhlenbeek kort vör de Münn in de Oost. Von links münnt de Siebeek in’n Möhlenbeek. Na Süüdwesten to liggt dat Hatzer un Sooteler Moor.

De Naveröörd sünd Groot Meckels in’n Noorden, Kön’hoff in’n Noordoosten, Homersen in’n Oosten, Hanschhorst un Helsch in’n Süüdoosten, Sootel in’n Süden, Hatz, Ehsdörp un Poitzendörp in’n Westen un Rüspel, Nindörp un Volkens in’n Noordwesten.

Historie

De Naam von’n Oort kummt von’n Vörnaam Albert, bedüüdt also Albert sien Huus, Albert sien Wahnsteed. In Alpershusen leeg fröher en Watermöhl, de üm 1915 rüm afreten worrn is.

Verwaltungsgeschicht

In de Franzosentied von 1810 bet 1814 hett de Oort to de Mairie Groot Zittens in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Böörd Zittens in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

Inwahnertall

Johr	Inwahners
1793-00-001793	1 Füürsteed
1824-00-001824	1 Füürsteed
1848-00-001848	13 Lüüd, 3 Hüüs
1871-12-011. Dezember 1871	6 Lüüd, 1 Huus

Religion

Alpershusen is evangeelsch-luthersch präägt un höört to dat Kaspel von de Dionysius-Kark in Zittens.

För de Kathoolschen is de Hillig-Hart-Jesu-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Weertschop un Infrastruktur

Verkehr

Dör Alpershusen löppt de Kreisstraat 142, de in’n Westen in Elsdörp an de K 126 un de Landsstraat 131 ran geiht un in’n Oosten na Homersen an de L 130. De L 131 geiht wieder na Zeven un Scheeßl un de L 130 na Zittens.

De nächste Autobahn is de Autobahn 1 (Afsnidd Hamborg–Bremen). De Autobahn löppt blots 200 Meter wied weg an Alpershausen langs, aver dat gifft keen Opfohrt in direkte Neegd von’n Oort. De Opfohrt 47 Zittens liggt so söven Kilometer in’n Noordoosten von Alpershusen un de Opfohrt 48 Elsdörp so acht Kilometer in’n Süüdwesten.

De nächsten Bahnhööv sünd so bi 14 Kilometer wied weg in’n Süüdoosten de Bahnhoff Scheeßl un de Bahnhoff Lauenbrüch an de Bahnlien Hamborg–Bremen. Fröher hett dat in de Neegd ok Bahnhööv an de Bahnlien Bremervöör–Wasra un an de Bahnlien Wilst–Töst geven. Dat weren de Bahnhoff Elsdörp acht Kilometer in’n Westen (Bremervöör–Wasra) un de Bahnhoff Zittens söss Kilometer in’n Noordoosten (Wilst–Töst). In Elsdörp hett dat Personenverkehr von 1906 bet 1968 geven un in Zittens von 1917 bet 1971.