Wikipedia

Anton Dietrich von Wersebe (1793–1855)

Anton Dietrich von Wersebe (* 10. Februar 1793 in Kassbrook; † 11. Oktober 1855 in Celle[1]) weer en düütschen Jurist.

Von Wersebe is 1793 as Söhn von Katharine Marie, borene von der Wisch (4. April 1765–7. Juli 1798), un Anton Dietrich von Wersebe (29. November 1747–22. November 1796) in Kassbrook boren un weer later Herr op dat Good Meyenborg. He weer von’n 26. September 1805 bet 26. März 1810 Schöler op de Ridderakademie Lümborg[2] un hett denn Juristeree studeert. Na dat Studium is he in’n hannöverschen Staatsdeenst gahn. He weer 1818 Amtsassesser bi dat Amt Rodenborg un 1821 Amtsassesser bi dat Amt Bremervöör un Hoffgerichtsassesser bi dat Hoffgericht Stood. 1824 harr he as Amtsassesser korte Tied dat Leid över dat Grevengericht Bützfleet un dat Amt Wischhoben, de all beid in Wischhoben seten hebbt.

Na disse Tied weer he bet to sien Dood 1855 Oberappellatschoonsraad bi dat Oberappellatschoonsgericht Celle.

He hett an’n 14. Juli 1826 in Celle Friederike Wilhelmine Charlotte Amalie von Beulwitz (17. November 1809–30. April 1858; Dochter von Anton Friedrich von Beulwitz) freet.[3] De beiden harrn de Söhns Adolph Nicolaus (12. September 1829–26. März 1908), Gustav (1. April 1834–15. Juli 1913), Karl Friedrich (7. Dezember 1835–30. Dezember 1916) un Hartwig August Anton Diedrich (* 9. Mai 1838–15. März 1913).

Footnoten

ännern
  1. ↑ Gothaisches genealogisches Taschenbuch der adeligen Häuser. Justus Perthes, 1907, Sied 823
  2. ↑ Arnold Weyhe-Eimke: Die Aebte des Klosters St. Michaelis. Mit besonderer Beziehung auf die Geschichte des Klosters und der Ritterakademie. 1862, Sied 592
  3. ↑ Kaestner & von Urach's Genealogisches Adelslexikon
  De Artikel „Anton Dietrich von Wersebe (1793–1855)“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.
Vun „https://nds.wikipedia.org/w/index.php?title=Anton_Dietrich_von_Wersebe_(1793–1855)&oldid=1024723“