Amt Bremervöör
Dat Amt Bremervöör weer en Verwaltungsrebeed in Bremen-Veern un in dat Königriek Hannover mit Seet in Bremervöör binnen de Landdrostie Stood. Dor hett groff dat Rebeed in’n Noorden von’n hüdigen Landkreis Rodenborg tohöört.
Dat Leid över dat Amt harr bet 1867 en Amtmann, de twete Beamte weer bet 1816 de Amtsschriever. In de Prüßentied na 1867 hett de eerste Beamte Amtshauptmann heten.
Geografie
ännernDat Amt is in’n Noorden an dat Amt Neehuus grenzt, in’n Noordoosten an dat Gericht Oosten un dat Gericht Heckthusen, in’n Oosten an dat Amt Himmelpoorten un dat Amt Harsfeld, in’n Süüdoosten an dat Amt Zeven, in’n Süüdwesten an dat Amt Oosterholt, in’n Westen an dat Gericht Beverst un in’n Noordoosten an dat Amt Beers un dat Land Hadeln.
Bet 1852
ännernNadem de Sweden 1648 dat fröhere Arzstift Bremen övernahmen harrn, hett Carl Gustav Wrangel dat Amt Bremervöör as Lehn kregen. Dat Amt weer von 1675 bet 1680 na’n Bremen-Veerner Feldtog von Truppen von dat Förstbisdom Mönster besett. As dat Amt 1680 trügggeven worrn is, is Wrangel sien Lehn an de sweedsche Kroon trüggfullen un dat weer von de Tied an denn en königlich Amt.
As 1823 dat Gericht Hanst oplööst worrn is, is dat Dörp Korlshöben, dat vörher twüschen dat Gericht Hanst un dat Amt Bremervöör opdeelt weer, kumplett an dat Amt Bremervöör gahn. To’n 1. August 1832 is dat Dörp denn aver in dat Amt Zeven wesselt.[1]
1848 weer dat Amt so 486,42 km²[2] groot.
1810 hett Frankriek ünner Napoleon dat Amt innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Elvmünnen un direkt to Frankriek. Bremervöör weer in disse Tied de Seet von en Kanton. 1813 müssen de Franzosen dat Amt denn opgeven un de ole Stand is wedderkamen.
An’n 1. Oktober 1849 is dat Gericht Neer-Ochenhusen oplööst un Deel von dat Amt Bremervöör worrn.[3]
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
1852–1859
ännernDat Amt Bremervöör is bi de Verwaltungs- un Justizreform an’n 1. Oktober 1852 in dat Königriek Hannover denn wedder ümbillt worrn. En Deel von dat Amt Beverst (dat Patrimonialgericht Öös mit Öös un Good Öös, Nee-Öös un Poggmöhlen) is na dat Amt Bremervöör kamen un de Öörd Basbeek, Hemm, Hemmoor un Warstood sünd na dat Amt Oosten wesselt.
De Oort Kluust in dat Patrimonialgericht Öös schull eerst ok mit an Bremervöör kamen, is denn aver mit Verordnung von’n 28. September 1852 doch bi dat Amt Beverst bleven. De Öörd Beverstermöhlen un Freelsdörpermöhlen müss dat Amt Bremervöör mit disse Verordnung ok an dat Amt Beverst afgeven.[5]
As Gericht för dat Amt is to’n 1. Oktober 1852 dat Amtsgericht Bremervöör inricht worrn.
1859–1885
ännern1859 bi de nächste Verwaltungsreform is en Deel von dat ole Amt Beverst (Kaspels Karkwist un Kuhs, utbenahmen Giel mit Gielermoor un Gielermöhlen) denn ok Deel von dat Amt Bremervöör worrn. Ok Delen von dat ole Amt Zeven (Kaspel Sürsen, Plönjeshusen un Bokel) sünd na dat Amt Bremervöör kamen. Dat Amt Bremervöör hett aver ok Rebeed afgeven müsst, de Böörd Loomst is na dat Amt Oosten wesselt.
De Gemenen Rockst, Godenst, Oostereis mit Baadmöhlen links von de Baad, Wennbossel un Schohöben sünd dör en Verordnung von’n 22. Juni 1859 an dat Amt Zeven gahn un Ahrensdörp an dat Amt Oosterholt.[6]
Nadem dat Königriek Hannover 1866 an Prüßen kamen is, sünd 1867 Stüürkreise in de ne’e Provinz Hannover inricht worrn. Dat Amt hett denn to’n Stüürkreis Stoder Geestkreis tohöört.
Na 1885
ännernBi de Verwaltungsreform in Prüßen to’n 1. April 1885 is dat Amt Bremervöör oplööst worrn un dor is de Kreis Bremervöör von worrn.
Inwahnertall
ännern| Johr | Inwahners |
|---|---|
| 1810[7] | 9.059 Lüüd, 1.415 Füürsteden |
| 1848[2] | 14.736 Lüüd, 2.329 Hüüs |
| 1867[8] | 13.133 |
Amtlüüd
ännern- 1670–1696: Johann Ernst Rist
- ~1705: Albert Kuck
- –1726: Samuel von Hadorff
- 1726–1749: Thomas Achelis
- ~1750: Arnold Friedrich Meyer
- 1765–1796: Georg Ernst Meyer
- 1797–1821: Claus von Klenck
- 1821–1828: Friedrich Wilhelm von Meding
- 1829–1848: Benedix von der Decken
- ~1855: Georg Dietrich Wilhelm von Reiche
- 1868–1876: Alexander Wilhelm Julius Rasch
- 1876–1884: J. Heinrich Rottländer
- 1885: Franz Albert Siemens
Amtsschrievers
ännern- –1754: Meyer
- 1754–1756: Ludolf Christian Bansen
- –1765: Johann Hermann Ruperti
- 1771–: Carl Friedrich Hotzen
- –1787: Johann Christian Bacmeister
- 1787–1790: Johann Friedrich Nanne
- 1790–: Johann August Hintze
- ~1796: Friedrich Ernst Ludewig Lamprecht
- ~1803: Otto Friedrich Conrad Stock
- 1805–: Johann Friedrich Adolph Kannengießer
Footnoten
ännern- ↑ Christian Hermann Ebhardt: Gesetze, Verordnungen und Ausschreiben für das Königreich Hannover aus dem Zeitraume 1813 bis 1839. Jänecke, Hannover 1839, Band 2, Sied 65
- ↑ a b Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
- ↑ Gesetze, Verordnungen und Ausschreiben für das Königreich Hannover. Aus dem Zeitraume von 1813 bis 1839. Zweite Folge. 1846 bis 1850. Jänecke, 1851, Sied 171
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
- ↑ Hannoversche Gesetzgebung über Staats- und Gemeinde-Verwaltung. Helwing, Hannover 1852, Sied 80a
- ↑ Sammlung der Gesetze, Verordnungen und Ausschreiben für das Königreich Hannover: vom Jahre 1859. Kius, 1859, Sied 693
- ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 137: https://books.google.de/books?id=c24IAAAAQAAJ&pg=PA137
- ↑ Zeitschrift des Königlich preussischen statistischen Landesamts. Band 8, http://books.google.de/books?id=gHdKAAAAYAAJ&pg=PA149
Hartogdom Bremen: Stadt Stood | Stadt Buxthu | Stadt Bremervöör | Amt Achem | Amt Beers* | Amt Beverst* | Amt Blomendal | Amt Bremervöör | Amt Dorum | Amt Freeborg | Amt Hagen | Amt Harsfeld | Amt Himmelpoorten | Amt Hornborg* | Amt Jörk | Amt Leendaal | Amt Leh | Amt Lesum* | Amt Neehuus | Amt Oosten | Amt Oosterholt | Amt Otterbarg* | Amt Stood* | Amt Wischhoben* | Amt Zeven
Hartogdom Veern: Stadt Veern | Amt Rodenborg | Amt Snevern* | Amt Veern
Land Hadeln: Stadt Oterndörp | Amt Oterndörp
* bet 1859