Archie Stout
Archibald „Archie“ Stout (* 30. März 1886 in Renwick, Iowa; † 10. März 1973 in Los Angeles, Kalifornien) weer en US-amerikaanschen Kameramann.
Leven un Wark
ännernStout hett vör sien Loopbahn bi’n Film verschedene Beropen utöövt. To’n Bispeel weer he Manager vun en Gaststeed, Makler un Wildhöder. In’t Johr 1914 is he in Mack Sennett sien Filmstudio Helpsmann vun’n Kameramann worrn, un hett dat na en poor Johren to’n egenstännigen Kameramann bröcht. In disse Tiet hett he bi eenige högerklasige Produkschonen mitarbeit, as to’n Bispeel bi The Ten Commandments (dt.: Die Zehn Gebote) vun Cecil B. DeMille. Vun 1928 an weer he eerste Kameramann – faken bi tweetklassige Westernprodukschonen. Dat änner sik denn aver, nadem he René Clair sien It Happened Tomorrow un Douglas Sirk sien Summer Storm opnahmen harr.
1947 weer he von John Ford för den John-Wayne-Film Fort Apache anstellt. Mit Ford harr he vörher al in de 1930er Johren arbeit. Jemehr Tosamenarbeit güng na den Film wieter. Butendem harr Stout ok de Kamera bi John-Wayne-Filmen, bi de Ford nich Speelbaas weer. Sien gröttsten Spood harr Stout mit den Film The Quiet Man ut dat Johr 1952, för den he mit den Oscar uttekent worrn is.
In’t Johr 1954 hett Stout sien letzten Film dreiht. Dat Johr dorop harr he en Hartinfarkt, na den he sien Loopbahn opgeven hett. In de mehr as dörtig Johren bi’n Film hett Stout bi mehr as 130 Filmen as Kameramann mitarbeit.
Filmrullen (Utwahl)
ännern| Johr | Titel |
|---|---|
| 1921 | His Nibs |
| 1923 | The Ten Commandments dt.: Die zehn Gebote |
| 1930 | The Return of Dr. Fu Manchu |
| 1930 | Derelict dt.: Mann über Bord |
| 1931 | The Man from Death Valley |
| 1931 | Oklahoma Jim |
| 1932 | The Man from Arizona |
| 1933 | Sagebrush Trail dt.: Sein Freund, der Desperado |
| 1933 | Riders of Destiny dt.: Die Wasserrechte von Lost Creek |
| 1934 | West of the Divide dt.: Flussabwärts |
| 1934 | The Man from Utah dt.: Rodeo |
| 1934 | The Star Packer dt.: US Marshal John |
| 1935 | Texas Terror dt.: Abenteuer in Texas |
| 1935 | The Desert Trail dt.: Der Rodeo-Raub |
| 1935 | Westward Ho dt.: Westwärts! |
| 1936 | Hopalong Cassidy Returns dt.: Aufruhr in Mesa Grande |
| 1937 | Hills of Old Wyoming dt.: Apachen, Bleichgesichter und Banditen |
| 1938 | The Adventures of Marco Polo dt.: Die Abenteuer des Marco Polo |
| 1939 | Beau Geste dt.: Drei Fremdenlegionäre |
| 1944 | It Happened Tomorrow dt.: Es geschah morgen |
| 1945 | Captain Kidd dt.: Unter schwarzer Flagge |
| 1946 | Abilene Town dt.: Banditen ohne Maske |
| 1947 | Angel and the Bad Man dt.: Der schwarze Reiter |
| 1947 | Tarzan and the Huntress dt.: Tarzan wird gejagt |
| 1948 | Fort Apache dt.: Bis zum letzten Mann |
| 1949 | Lust for Gold dt.: Der Berg des Schreckens |
| 1950 | Rio Grande |
| 1951 | On the Loose |
| 1952 | The Quiet Man dt.: Der Sieger |
| 1953 | Island in the Sky dt.: Das letzte Signal |
| 1953 | Hondo dt.: Man nennt mich Hondo |
| 1954 | The High and the Mighty dt.: Es wird immer wieder Tag |
Utteken
ännernBit hüüt is Archie Stout de eenzige Kameramann, de as Liddmaat vun en Second Unit för den Oscar nomineert weer un ok wunnen hett. Dat weer 1953 för de Beste Kamera (Farvfilm) in den Film The Quiet Man.
In’t Johr 1948 weer he för den Film Fort Apache as Beste Kameramann (swart-witt) bi’t Locarno International Film Festival uttekent.
Literatur
ännern- Kay Weniger: Das große Personenlexikon des Films, Band 7, S. 525f. Berlin (2001) ISBN 3-89602-340-3
Weblenken
ännern- Archie Stout in de Internet Movie Database (engelsch)