Au (Bülkau)

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Bülkau
Inwahners:
Postleettall:	21782
Vörwahl:	04777
Geograafsche Laag:	53° 46′ N, 8° 60′ O

Au (hoochdüütsch Aue; deelwies ok Audiek nöömt) is en Oort in de Gemeen Bülkau (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi Bülkau mit bi.

Geografie

Au liggt direkt an’n Diek von de Au. De Ünnergrund is Masch.

De Naveröörd sünd Austood in’n Noorden, de Bullenwinkel un Westercaadwisch in’n Noordoosten, Spleth un Westermoor in’n Oosten, Moorwettern in’n Süüdoosten, Oppeln in’n Süden, Bülkau in’n Westen un Spreng in’n Nooordwesten.

Historie

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall

Johr	Inwahners
1848-00-001848	174 Lüüd, 43 Hüüs
1871-12-011. Dezember 1871	207 Lüüd, 52 Hüüs

Religion

Au is evangeelsch-luthersch präägt un höört to dat Kaspel von de Johannis-Kark in Bülkau.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur

Verkehr

De Straat dör Au löppt in’n Süden an de Kreisstraat 21, de in Bülkau an de Landsstraat 144 ran geiht. In’n Noorden gaht Straten na Bülkau an de L 144, över Austood an de L 144 un över Westercaadwisch na Kumbarg (Bundsstraat 73).

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 23 Kilometer in’n Noordwesten von Au.

De nächste Bahnhoff is so bi fiev Kilometer wied weg in’n Oosten de Bahnhoff Kumbarg an de Nedderelvbahn.