Ava Gardner

Ava Lavinia Gardner (* 24. Dezember 1922 in Smithfield, North Carolina; † 25. Januar 1990 in London, England) weer en US-amerikaansch Filmschauspelerin, de den gröttsten Spood in de 1950er Johren harr.

Ava Gardner (1953)

Leven

Ava Gardner wurr 1922 as Dochter vun en Farmer in en lütt ländlich Oort in North Carolina boren. Dör Privatfotos vun hör as Fotograf arbeiten Schwager keem Ava Gardner to eerst Filmverdrääg un speel mehrere Johren unbedüüden Nebenrullen, ehe se wegen hör good Utsehn un erotisch Utstrahlung to'n Glamour-Star upbaut wurr.

Ehr Dörbröök schaff se 1946 al verführerische Femme fatale neben Burt Lancaster in Robert Siodmak sien Film noir-Klassiker Rächer der Unterwelt (The Killers). Internatschonal bekannt wurr se aber dör de Hemingway-Verfilmung Schnee am Kilimandscharo (The Snows of Kilimanjaro, 1952) mit Gregory Peck un dör Mogambo (1953) an de Siet vun Clark Gable. För hör Rull in Mogambo kreeg se 1954 en Oscar-Nomineeren as best Hööftdorstellerin. In dat sülvig Johr speel Gardner in een vun hör bekanntst Rullen de tragische Titelheldin in Die barfüßige Gräfin (The Barefoot Contessa) neben Humphrey Bogart.

Af 1960 leeev Ava Gardner in Europa un is later ok in Feernsehserien as Unter der Sonne Kaliforniens (Knots Landing) uptreeden.

1990 is Gardner nah mehreren Slaganfällen an de Folgen vun en Lungenentzündung in London storven. Bisett wurrn is se up den Sunset Memorial Park in Smithfield, North Carolina.

Privatleven

Kört nah hör Ankunft in Los Angeles hett Gardner den Schauspeler Mickey Rooney drapen, de bi MGM ünner Verdrag stunn. Se hemm an' 10. Januar 1942 heiraadt. Se weer dor 19 Johr old, Rooney 21 Johr. 1943 sünd se aber ok all weer schett wurrn.

1945 hett Gardner den Jazzmusiker un Bandleader Artie Shaw heiraadt. De Ehe hull bit 1946 ok blots een Johr. Gardner wurr in de 1940er Jahren ok faken mit den Geschäftsmann un Piloten Howard Hughes in de Apenlichkeit sehn, weswegen man ok faken över en Verhältnis tüschen de beid spekuleert hett. Se sülvst schreev dorto in hör Autobiografie, dat Hughes hör faken inlaaden harr un ok groottügig Geschenke maakt hatt, se aber immer en ernsthaftere un sexuelle Beziehung to hüm aflehnt harr.

Hör dart un letzt Ehe gung Gardner 1951 mit den Singer un Schauspeler Frank Sinatra in. Later schreev se in hör Autobiografie, dat he de Leev vun hör Leven ween weer. Sinatra wurr vun de Presse, vun Hollywood un de Kark veroordeelt, dat he sien Fru Nancy wegen Gardner verlaaten harr. Sien Karriere fung an, dorünner to lieden, Gardners dorgegen bleu up. Se hett hör Bekanntheit dorto bruukt, Sinatra 1953 en Rull in Verdammt in alle Ewigkeit (From Here To Eternity) to verschaffen, för de he denn den Oscar kreeg. Wiels disse Ehe wurr Gardner tweemal schwanger, leet aber up Grünnen vun hör Karriere bei Mal en Afdrieven vörnehmen. Gardner leet sück 1957 vun Sinatra scheeden un is nah Spanien översiedelt. Dor hett se Ernest Hemingway kennen lehrt, mit den se af dor en deep Früendschap verbunn. Dör hüm beinfloot fung se an, sück för Stierkämpe to interesseren. So hett se denn ok hör langjohrig Leevsten Luis Miguel Dominguín drapen.

Ava Gardner-Statue in Tossa de Mar

Filmografie (Utwahll)

Johr	Titel	Synchroonsnacker
1942	Reunion in France
1946	The Killers dt.: Rächer der Unterwelt	Eva Vaitl
1947	The Hucksters dt.: Der Windhund und die Lady
1947	Singapore dt.: Singapur	Antje Weisgerber
1947	One Touch of Venus dt.: Venus macht Seitensprünge	Tina Eilers
1949	The Great Sinner dt.: Der Spieler	Tilly Lauenstein (Synchro 1956)
1949	The Bribe dt.: Geheimaktion Carlotta	Carola Höhn
1949	East Side, West Side dt.: Verlorenes Spiel	Edith Schneider
1951	Show Boat dt.: Mississippi-Melodie	Edith Schneider
1951	Pandora and the Flying Dutchman dt.: Pandora und der fliegende Holänder	Edith Schneider Joseline Gossen, 2 Synchro 1983
1952	Lone Star dt.: Mann gegen Mann	Edith Schneider
1952	The Snows of Kilimanjaro dt.: Schnee am Kilimandscharo	Edith Schneider
1953	Knights of the Round Table dt.: Die Ritter der Tafelrunde	Edith Schneider
1953	Ride, Vaquero! dt.: Verwegene Gegner	Edith Schneider
1953	Mogambo	Edith Schneider
1954	The Barefoot Contessa dt.: Die barfüßige Gräfin	Edith Schneider
1956	Bhowani Junction dt.: Knotenpunkt Bhowani	Edith Schneider
1957	The Little Hut dt.: Die kleine Hütte	Agi Prandhoff
1957	The Sun Also Rises dt.: Zwischen Madrid und Paris	Edith Schneider
1958	The Naked Maja dt.: Die nackte Maja	Eva Katharina Schultz
1959	On the Beach dt.: Das letzte Ufer	Edith Schneider
1959	The Angel Wore Red dt.: Glut
1962	55 Days at Peking dt.: 55 Tage in Peking	Eleonore Noelle
1963	The Night of the Iguana dt.: Die Nacht des Leguan	Tilly Lauenstein
1963	Seven Days in May dt.: Sieben Tage im Mai	Gisela Trowe
1965	The Bible dt.: Die Bibel	Eva Katharina Schultz
1968	Mayerling	Eva Vaitl
1970	Tam-Lin
1972	The Life and Times of Judge Roy Bean dt.: Das war Roy Bean	Dagmar Altrichter
1974	Earthquake dt.: Erdbeben	Gisela Trowe
1975	Permission to Kill dt.: Vollmacht zum Mord	Eva Katharina Schultz
1976	The Blue Bird dt.: Der blaue Vogel	Dagmar Altrichter
1976	Cassandra Crossing dt.: Treffpunkt Todesbrücke	Dagmar Altrichter
1977	The Sentinel dt.: Hexensabbat	Bettina Schön
1979	City on Fire dt.: Stadt in Flammen
1980	The Kidnapping of the President dt.: Die Entführung des Präsidenten
1982	Regina Doma dt.: Regina
1984	A.D. dt.: Anno Domini
1985	The Long Hot Summer (TV-Film) dt.: Flammender Sommer	Bettina Schön
1986	Harem dt.: Rebell der Wüste

Literatur

• Peter Evans mit Ava Gardner: Ava Gardner – The Secret Conversations. Simon & Schuster, New York City, USA 2013, ISBN 978-1-451627695.

Weblenken

Ava Gardner. Mehr Biller, Videos oder Audiodateien to’t Thema gifft dat bi Wikimedia Commons.

• Ava Gardner in de Internet Movie Database (engelsch)
• DNB-Katalog]
• Ava Gardner Portrait bi film-zeit.de
• Ava Gardner Biografie bi WHO'S WHO
• Ava Gardner bi steffi-line.de