Ernest Miller Hemingway (* 21. Juli 1899 in Oak Park, Illinois; † 2. Juli 1961 in Ketchum, Idaho) weer en US-amerikaansch Schriever un Nobelpriesdräger.

Ernest Hemingway 1923

He is all fröh ut School un Öllernhuus flohen un hett en Abenteuerleven föhrt. 1918 weer he Sanitäter an de italieensch Front, dornah Korrespondent in Europa (1921-1927), Spaansch Börgerkrieg (1935/36), China, Kuba un bi de Invasion in Frankriek. He verkörper so wat as de amerikaansch Levensoort. He much de Herutforderung, weer in Krieg, much Stierkamp, Grootwildjagd un Hoochseefischeree.

Nahdem sien Gesundheet dat aber nich mehr so mitmaken dee, hett he sück sülvst umbrocht.

In sien Kortgeschichten un Romans schreev he en realistischen Stil un sien Stil weer bispeelgeevend för de moderne Literatur. 1954 kreeg he deswegen ok de Nobelpries för Literatur.

Sien bekanntste Titel sünd:

  • The Sun Also Rises (1926, dt.: Fiesta)
  • A Farewell to Arms (1929, dt.: In einem anderen Land)
  • The Snows of Kilimanjaro (1936, dt.: 'Schnee auf dem Kilimandscharo)
  • For Whom the Bell tolls (1940, dt.: Wem die Stunde schlägt)
  • The Old Man and the Sea (1952, dt.: Der alte Mann und das Meer).