Azidoos
En Azidoos is en Tostand, wenn de Lief översüürt is. Dat is de Fall, wenn de pH-Weert vun’t Blood ünner 7,35 liggt. De Referenzweert liggt in’t Rebbet twüschen 7,35 un 7,45. Is de höger, denn snackt man vun en Alkaloos.
Wesentliche Oorsaken ännern
- bi de respiratoorschen Azidoos kummt dat Översüürn dorvun, dat to wenig Kohlenstoffdioxid afatent warrt.
- de metaboolsche Azidoos kummt tostannen, wenn sik in’t Blood to veel sure Stoffwesselprodukten ansammelt, as dat to’n Bispeel bi en entgleiste Suckerkrankheit oder bi’n chroonsche Nerenkrankheit kamen kann. De pH-Weert sackt rünner, wenn dat Puffervermögen vun’n Bloodpuffer gegen Süren beet is. Dordör geiht de pH-Weert batz rünner u en akute Översüürn sett in. Dat is faken en akute Sitatuschoon vun Levensgefohr.
- Anaerobe Glykolys (utlöst to’n Bispeel dör Suerstoffmangel) un de vermehrte Billn vun Ketokörpers (dör Insulinmangel) föhrt to’n Anstiegen vun de Kunzentratschoon vun sure Stoffwesselprodukten in’t Geweev as Laktat oder Ketokörpers un dormit to en Geweevsazidoos. Se kummt ü. a. bi’n Schock, bi’n Hartstillstand, bi’t diabeetsch Koma oder swore Dörblödenstören vör un kann ok in en levensgefährlichen Tostand münnen. Tietwies un ahn Krankheitsweert warrt de aver ok in de Muskulatur na anaerobe physische Hööchstbelasten beobacht.
Nawies ännern
De Nawies vun de Azidoos geiht över de Bloodgasanalys. An de meten Weerten för Bikarbonat (nipp un nau Standardbikarbonat) un den Kohlenstoffdioxid-Deeldruck in’t arterielle Blood kann twüschen en respiratoorsche un en metabloosche Stören ünnerscheedt warrn. De respiratoorsche Azidoos kennt een an en högeren CO2-Deeldruck (PCO2), wiel bi en metaboolsche Azidoos de Kunzentratschoon vun Standardbikarbonat sieter is.
Kiek ok ännern
Websteden ännern
- Informatschonen to de Azidoos (hoochdüütsch)
- Netdokter: De pH-Weert (hoochdüütsch)
- Störungen des Säure-Basen-Haushalts: Rationale Diagnostik und ökonomische Therapie. Dtsch Arztebl 2005; 102: A 1896–1899 (Heft 26) (hoochdüütsch)