Bargten
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27711 | |
| Vörwahl: | 04791 | |
| Geograafsche Laag: | Koordinaten:53° 14′ N, 8° 46′ O53° 14′ N, 8° 46′ O | |
|
| ||
Bargten (hoochdüütsch Bargten) is en Oort in de Gemeen Oosterholt-Scharmbeek in’n Landkreis Oosterholt, Neddersassen.
Geografie
ännernDe Naveröörd sünd Elm un Hülsbarg in’n Noorden, Westerbeek in’n Noordoosten, Scharmbeek in’n Oosten, Lintel in’n Süüdoosten, Buschhusen in’n Süden, Heilshorn in’n Westen un de Lange Heid in’n Noordwesten.
Historie
ännernIn de Franzosentied von 1810 bet 1814 hett de Oort to de Mairie Scharmbeek in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1848 to dat Gericht Sandbeek un denn von 1848 bet 1885 to de Vaagdie Sandbeek in dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en, grötteren Kreis Oosterholt tohoopgahn is.
1927 sünd de Gemenen Oosterholt, Scharmbeek, Ahrensfeld, Sandbekerbrook un Bargten to de ne’e Gemeen Oosterholt-Scharmbeek tohoopfaat worrn.
Inwahnertall
ännern| Johr | Inwahners |
|---|---|
| 1812[1] | 74 |
| 1824[2] | 2 Füürsteden |
| 1848[3] | 81 Lüüd, 14 Hüüs |
| 1. Dezember 1910[4] | 80 |
Religion
ännernBargten is evangeelsch-luthersch präägt un höört to dat Kaspel von de Willehadi-Kark in Scharmbeek.
För de Kathoolschen is de Hillige-Familie-Kark in Oosterholt-Scharmbeek tostännig.
Weertschop un Infrastruktur
ännern
In’n Noorden von Bargten leeg von 1966 bet 1995 en HAWK-Raketenstellung von de Flugabwehrraketengruppe 31. Op dat 10,7 Hektar grote Gelänn is 2011 von de KTR-Solar GbR en Solarpark mit 10.000 Module boot worrn, de en Leistung von 2,3 MWp hett.
Verkehr
ännernDe Dörpstraat von Bargten geiht in’n Noordwesten na Elm un in’n Süüdoosten na Oosterholt-Scharmbeek an de Bundsstraat 74 ran. Lüttjere Straten gifft dat na Buschhusen un Westerbeek.
De Opfohrt 16 Bremen-Noord op de Autobahn 27/270 liggt so negen Kilometer in’n Süüdwesten von Bargten. De Opfohrt 14 Swonewebel op de A 27 liggt negen Kilometer in’n Westen.
De nächste Bahnhoff is so bi dree Kilometer wied weg in’n Süüdoosten in Oosterholt-Scharmbeek an de Bahnlien Bremen–Bremerhoben.
Footnoten
ännern- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 105: http://books.google.de/books?id=Q 5OAAAAcAAJ&pg=PA105
- ↑ C. H. Jansen: Statistisches Handbuch des Königreichs Hannover. 1824, Sied 38: http://books.google.de/books?id=tG0AAAAAcAAJ&pg=PA38
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 138: http://books.google.de/books?id=eOI-AAAAcAAJ&pg=PA138
- ↑ http://www.gemeindeverzeichnis.de/gem1900/gem1900.htm?hannover/osterholz.htm
