Sir Barry Bowen Municipal Airport

De Sir Barry Bowen Municipal Airport is en Flegerhaven in Belize-Stadt, wat de gröttste Stadt von dat Land Belize un den Distrikt Belize is.

Sir Barry Bowen Municipal Airport
IATA-Kood: TZA
Hööchd: 2 m över MSL
Laag:
Koordinaten:17° 31′ N, 88° 12′ W
17° 31′ N, 88° 12′ W
Stadt: liggt 2 km noorden vun Belize-Stadt
Besitter: Belize Airports Authority
Terminals: 1
Bahnen:
Richt Läng Belag
12/30 884 × 18 m Asphalt

De Flegerhaven liggt so twee Kilometer wied weg von dat Stadtzentrum direkt an de Küst von de Karibische See. De wichtigste Flegerhaven von de Stadt is de Philip S. W. Goldson International Airport, de en beten wieder buten de Stadt liggt. De Sir Barry Bowen Municipal Airport warrt vör allen bi binnenlandsche Flöög bruukt, besünners na de Eilannen (Cayes) vör de Küst.

Historie ännern

Von 2012 bet November 2016 is de Flegerplatz för 17 Milljonen Belize-Dollar utboot worrn. Dorbi hebbt se de Lannbahn länger maakt (nu 884 m; 2900 Foot), en ne’e Togangsstraat, Rullbahn un Lichtanlagen boot. Sietdem is de Airport nöömt na’n Politiker un Ünnernehmer Barry Bowen, de 2010 doodbleven is, nadem sien Fleger afstört is. Vörher hett he eenfach Belize City Municipal Airport heten.

De Flegerlien Maya Island Air hett ehren Seet an’n Sir Barry Bowen Municipal Airport. Ok de Flegerlien Tropic Air büddt en Reeg Flöög an.

Weblenken ännern

  Sir Barry Bowen Municipal Airport. Mehr Biller, Videos oder Audiodateien to’t Thema gifft dat bi Wikimedia Commons.