Belize Shrimp Growers Association
De Belize Shrimp Growers Association (BSGA) is en Verband, in den sik en groten Deel von de Shrimp-Farmers von Belize (üm un bi 90 % von de Produkschoon) tohoopslaten hebbt. Shrimps (Litopenaeus vannamei) sünd en wichtigen Exportartikel för de Weertschop von Belize.
De Shrimp-Farmen doot vör allen in de Distrikte Stann Creek un Toledo liggen.
Historie
ännernDe eerste Shrimp-Farm in Belize is 1982 in Bedriev gahn.[1] Dat weer dat Ünnernehmen Nova Toledo Limited bi Mango Walk (16° 26′ N, 88° 29′ W), dat vondaag aver nich mehr aktiv is. Över de Johren sünd en Reeg tosätzliche Ünnernehmens grünnt worrn un de Industrie is gau wussen.
De gröttste Farm in Belize weer de von Nova Companies Belize Limited bi Ladyville (17° 36′ N, 88° 19′ W). Nadem Hurrikan Keith de Farm in dat Johr 2000 swoor drapen hett, 2001 dor dat Taurasyndrom utbraken is un in dat sülve Johr de Weltmarktpries för Shrimps dalgahn is, is de Nova-Farm in en Scheeflaag raakt, ut de se sik nich mehr wedder verhaalt hett un 2007 insolvent gahn is.[2]
De BSGA as Verband is in dat Johr 2000 grünnt worrn.[3]
2014 is in Belize dat Early Mortality Syndrome (EMS) utbraken, wat de Industrie swoor drapen hett.[4][5]
In dat Johr 2014 (vör dat Utbreken von EMS), hett de Export von 14.351 Tunnen Fischeree-Produkten 44,1 Milljonen US-Dollar bröcht, wat 14,4 % von de Exporten von dat Land Belize weren.[5] In dat Johr 2017 weren de Tallen dör EMS op 1287 Tunnen un 4,6 Milljonen US-Dollar fullen, wat blots noch 2,1 % von Belize sien Exporten bedüden dee.[5]
De eerste Tilapia-Farm (Oreochromis niloticus) hett 2013 apenmaakt. Se warrt von de Fein Catch Limited bi dat Dörp La Democracia an’n Manatee Highway bedreven.[5]
2015 is en groten Deel von de Shrimp-Industrie von Belize von dat Aquaculture Stewardship Council zertifizeert worrn.[6] 2017 hebbt veer Farmen düssen Status wedder verloren, nadem se freewillig von’n Zertifikaats-Audit afstahn hebbt.[7]
Farmen
ännern| Farm | Oort | Laag | Info | Born |
|---|---|---|---|---|
| Aqua Mar Belize Limited | bi Independence | 16° 30′ N, 88° 26′ W | 1985 grünnt[8] | [9] |
| Bel-Euro Aquaculture Limited | bi Independence | 16° 28′ N, 88° 26′ W | 2006 grünnt[8] | [10] |
| Belize Aquaculture Limited | twüschen Santa Cruz un Riversdale | 16° 40′ N, 88° 23′ W | 1996 grünnt von Bowen & Bowen, 2011 dichtmaakt un 2012 mit ne’en Egendömer wedder apenmaakt | [11] |
| Cardelli Farms Limited | bi Independence | 16° 34′ N, 88° 25′ W | 2006 grünnt[8] | [12] |
| Paradise Shrimp Farm C.A. Limited | bi Mullins River | 17° 5′ N, 88° 18′ W | 1997 grünnt[8] | [13] |
| Royal Mayan Farms Limited | bi Independence | 16° 35′ N, 88° 24′ W | 2000 grünnt[8] | [14] |
| Tex-Mar Limited | bi Independence | 16° 34′ N, 88° 26′ W (Tex-Mar I) 16° 35′ N, 88° 23′ W (Tex-Mar II) |
1997 grünnt[8], de Anlaag Tex-Mar II is 2014 anleggt worrn | [15] |
| Tropical Aquaculture Investment Limited | bi Independence | 16° 37′ N, 88° 24′ W | 2012 grünnt[8] | [16] |
Footnoten
ännern- ↑ National Aquaculture Zoning Plan For Belize, 2003, Sied 9
- ↑ Charles X: Mismanagement? The uninvestigated mystery of Nova, Amandala an’n 11. Juni 2013
- ↑ National Aquaculture Zoning Plan For Belize, 2003, Sied 18
- ↑ Necrotising Hepatopancreatitis Reported on Belize Fish Farm, The Fish Site an’n 22. Dezember 2014
- ↑ a b c d Evidence-based and policy coherent Oceans Economy and Trade Strategies. Sector data factsheet: Belize
- ↑ Belize Continues to Set an Example for Sustainable Aquaculture, WWF Zentraalamerika
- ↑ Shrimp Industry not fazed by ASC suspensions, San Pedro Sun an’n 13. Mai 2017
- ↑ a b c d e f g Members of Belize Shrimp Growers Association
- ↑ Biodiversity Inclusive Environmental Impact Assessment & Participatory Social Impact Assessment
- ↑ Biodiversity Inclusive Environmental Impact Assessment & Participatory Social Impact Assessment
- ↑ Biodiversity Inclusive Environmental Impact Assessment & Participatory Social Impact Assessment
- ↑ Biodiversity Inclusive Environmental Impact Assessment & Participatory Social Impact Assessment
- ↑ Biodiversity Inclusive Environmental Impact Assessment & Participatory Social Impact Assessment
- ↑ Biodiversity Inclusive Environmental Impact Assessment & Participatory Social Impact Assessment
- ↑ Biodiversity Inclusive Environmental Impact Assessment & Participatory Social Impact Assessment
- ↑ Biodiversity Inclusive Environmental Impact Assessment & Participatory Social Impact Assessment
Weblenken
ännern- Websteed von de BSGA (engelsch)
