Bernie Glow

Bernie Glow (* 6. Februar 1926 in New York; † 8. Mai 1982 ok dor) weer en US-amerikaansch Jazztrompeter vun den Swing un den Modern Jazz.

Leven un Wark

Glow fung mit negen Johr an, Trompete to spelen. He hett bi Max Schlossberg studeert, de bi de New York Philharmoniker speel. Ünner den Infloot vun Glow sien russ’schen Grootvader Sam Finkel wurr Glow bald to en vun de eerst Trompetenspeler in en regulär Orchester. In sien Highschool-Tiet speel Bernie Glow mit künftig Jazzgrötten as Stan Getz, Shorty Rogers un George Wallington. Glow wurr in disse Tiet vun de Upnahmen vun Snooky Young mit de Jimmy Lunceford Band as ok vun Billy Butterfield in Benny Goodman sien Band beinfloot.

Nah dat Enn‘ vun de Highschool tour de sössteihn Johr old Glow en Johr lang mit dat Richard Himber Orchestra. In‘ Ansluss doran hett he eerst bi Xavier Cugat un denn mit Raymond Scott bi de CBS-Radiostatschoon arbeit. 1945/46 speel he de Lead-Trompete in Artie Shaw sien Band, dornah bi Boyd Raeburn. In 1949 weer he mit Woody Herman sien legendär "Second Herd" up Tournee.

In den fröhen 1950er Johren speel Glow in Big Bands, Latin-Bands un Danz-Orchesters, is in Manhattan in Theatern, Dance halls, Nachtclubs un in’t Radio uptreden.

Siet 1953 weer Glow en völfraagt Trompeter för nicht o tellen kommerzielle un Jazz-Upnahme-Sessions. He hett dorbi en breet musikalisch Spektrum afdeckt; an een Dag speel he för en Radio-Werbung vun Pepsi, an‘ nächsten Dag nehm he een Album mit Frank Sinatra oder Ella Fitzgerald up. Völ vun disse Studiobigband-Sessions wurrn vun Komponisten bzw. Arrangeuren as Nelson Riddle, Quincy Jones oder Oliver Nelson leit. Miles Davis un Gil Evans hebbt sück an de Upnahmen vun Miles Ahead (1957), Porgy and Bess (1958), Sketches of Spain (1959) un Quiet Nights (1962) bedeeligt. Glow weer ok Liddmaat vun dat NBC- un CBS-Orchester.

Weblenken/Borns

• Bernie Glow. up: vervemusicgroup.com
• Bernie Glow. In: New Yorker. 10. Dezember 1969.
• Bernie Glow, 56, Trumpeter On the Stage, Radio and TV. In: New York Times. 10. Mai 1982.