Braeburn ist en Sort vun den Huusappel (Malus domestica), de noch teemlich nee is un ut Neeseeland stammt.

Appel vun de Sort Braeburn

De Braeburn is as Tofallssamling in’t Johr 1952 vun O. Moran, en Aaftbuern ut Waiwhero in Upper Moutere, Neeseeland, ennerworrns an’n Weg opdeckt worrn. De Boomschool Williams Brothers in Braeburn hett den Appel denn optogen un’n för’n Export anboet. As en vun de Öllern- oder Grootöllernsorten warrt de Cox Orange vermodt. As tweete Öllernsort warrt Lady Hamilton angeven – en Sort, de na Emma Hamilton nöömt is, de Mätress vun den britischen Admiral Horatio Nelson.

De Frücht bruukt en teemlich lange Vegetatschoonsperiod to’n riepen. Dorüm bruukt de Appelsort en warm Klima. In Düütschland is se blots in de warmeren Rebeden to’n Anbo egent. De Oorn is in Düütschland eerst Mitt bit Enn vun’n Oktober. In’t Köhllager kann de Braeburn bit April lagert warrn.

De Appel is teemlich hard, aver bannig aromaatsch un hollt sik lang. Man, wenn he ut dat Kööhllager kummt, verlütt he gau sien Fastigkeit. Bito is de Braeburn sünners anfallig för Appelschorf.

Braeburn egent sik as Tafelappel jüst so as to’n Kaken un Backen. He is wunnerbest för Aaftsalat, Kumpott oder Saft.

Kiek ok ännern

Literatur ännern

Weblenken ännern