Brewster Hopkinson Shaw

Brewster Hopkinson Shaw, Jr. (* 16. Mai 1945 in Cass City, Michigan, USA) is en ehmalger US-amerikaansch Astronaut.

Utbildung

Shaw hett 1963 sien Afsluss an de Cass City High School in Michigan makt. Dornah hett he Maschinenbau an de University of Wisconsin-Madison studeert un dor 1968 en Bachelor-Grad kreegen. 1969 mak he denn noch sien Master.

US Air Force

1969 is he in de US Air Force intreden, nahdem he de Offiziersschool afslooten harr. Dornah harr he in Kampinsatzen in de Vietnamkrieg. Later wurr he denn to’n Testpiloten utbildt un floog hööftsächlich de Jagdfloogtüüch F-100 un F-4.

He hett insgesamt över 5.000 Floogstünn in över 30 Strahlfloogtüüch, 644 dorvan in’ Kampinsatz över Vietnam.

NASA

1978 wurr he in de die 8. Astronautengrupp vun de NASA wählt un en Johr lang as Pilot utbildt.

STS-9

Besatzung von STS-9

Sien eersten un längsten Weltruuminsatz harr Shaw as Pilot vun de Mission STS-9 van 28. November bit 8. Dezember 1983 mit dat Space Shuttle Columbia, bi de to’n eersten Mal dat Weltruumlabor Spacelab mitführt wurr. Ünner dat Kommando vun Astronautenlegende John Young, de as eerste Minsch bi disse Mission to’n sössten Mal in’t All floog, weer dat ok de eerste Mission mit söss Ruumfohrer. Dat weer ok de eerste NASA-Mission, bi de en Nichtamerikaner, de Düütsch Ulf Merbold Liddmaat vun de Besatzung weer. An Bord weern dorto Robert Alan Ridley Parker, Owen Kent Garriott (Missionsspezialisten) as ok Byron Kurt Lichtenberg. Disse Mission düer 10 Daag un 7 Stünnen.

STS-61-B

Bi disse Mission wurr to’n tweeten de Atlantis insett. Shaw weer Kommandant vun disse Mission, de as Hööftupgaav harr, dree Kommunikationssatelliten in’t All to bringen.

An Bord befunn sück up sien Eerstfloog de Astronaut Jerry Lynn Ross, de later as eerst Minsch söben Mal in’t All flagen is. De anner Liddmaaten weern: Bryan Daniel O’Connor (Pilot), Mary Louise Cleave, Sherwood Clark Spring (all Missionsspezialisten), Rodolfo Neri Vela un Charles David Walker (Bruuklastspezialisten).

STS 61-N

In’ Dezember 1985 wurr Shaw as Kommandant för de Mission STS-61-N för dat US-Verteidigungsministeriums indeelt. As anner Crewliddmaaten weern Pilot Michael James McCulley, de Missionsspezialisten James Craig Adamson, David Cornell Leestma un Mark Neil Brown as ok de Bruuklastspezialisten Frank Casserino (MSE) un Lawrence Skantze (DoD) vörsehn. Disse Mission sull in’ September 1986 starten, wurr aber nah de Challenger-Katastroph an’ 28. Januar 1986 afseggt.

STS-28

Disse Mission weer de tweet Mission nah de Challenger-Katastroph. Dat weer en Militärischen Mission un man weet nich nipp un nau, wat de Besatzung to doon harr. Man nimmt an, dat se en geheimen Satelliten utsett hebbt. Dat weer Shaw sien dart un letzt Floog. He weer Kommandant vun disse Mission. De anner Liddmaaten weern: Richard Noel Richards (Pilot) und de dree Missionsspezialisten Adamson, Leestma un Brown, de all mit hüm in de Mission STS 61-N fleegen sullen.

Nah de Ruumflöög

Shaw weer tüschen de beid letzt Flüüg ok an de Ünnersöken vun dat Challenger-Unglück bedeeligt. Nah sien letzt Mission wurr he stellvertreden Direkter för Space Shuttle-Missionen in’t Kennedy Space Center. Dornah wurr he to’n stellvertreden Programm-Manager vun Space-Shuttle-Programm.

Sien letzt Arbeitsplatz bi de NASA harr he bit 1996 in dat Kennedy Space Center as Direkter für Space Shuttle-Missionen, in disse Funktschoon ünnerstunnen hüm all Elemente vun de Shuttles inklusive Tank, Booster un Drievwarken.

1996 wessel he nah 27 Johr bi de Air Force un NASA to Rockwell. Disse Firma wurr in dat glieker Johr aber noch vun de Konkurrent Boeing köfft un somit wurr Shaw en vun de Direkters vun de Ruumfohrtafdeelen in de Konzern. Hier weer he vör allen verantwortlich för eenzeln Baudeelen vun de ISS, an de Boeing all lang arbeiten dee.

Midden 2003 wessel he to United Space Alliance un weer dor verantwortlich för dat Space Shuttle-Programm un anner Regularien.

2006 wessel he to Boeing torüch un weer denn Baas vun de Ruumfohrtafdeelen. An' 26. August 2011 is he in Ruhestand gahn. Toletzt weer he Viezpräsident un Generalmanager vun de Space Exploration Division bi Boeing.

Tosommenfaaten

Nr	Mission	Funktion	Floogdatum	Floogdüer
1	STS-9	Pilot	28. November - 8. Dezember 1983	10d 07h 47m
2	STS-61-B	Kommandant	27. November - 3. Dezember 1985	6d 21h 04m
3	STS-28	Kommandant	8. August - 13. August 1989	5d 01h 00m

Privat

Shaw is en vun de Mitbegrünner vun de Astronautenband Max Q. He is verheiraadt un hett dree Kinner.

Weblenken

Brewster H. Shaw. Mehr Biller, Videos oder Audiodateien to’t Thema gifft dat bi Wikimedia Commons.

NASA: Biografie (engelsch)
spacefacts.de: Körtbiografie