James Craig Adamson
James Craig „Jim“ Adamson (* 3. März 1946 in Warsaw, New York, USA) is en ehmalger US-amerikaansch Astronaut.
Leven ännern
Adamson wurr in den US-Bundesstaat New York geboren, is aber in Monarch (Montana) upwussen. 1964 hett he de High School in Geneseo afslooten un hett dornah de United States Military Academy (USMA) in West Point (New York) besöcht. An de USMA hett he tonächst Ingenieurswetenschapen studeert un kreeg 1969 sien Bachelor.
Dornah hett he in de US-Army Karriere maakt: An de Army Aviation School in Fort Rucker (Alabama) hett he sien Pilotenutbillen mit Utteknung afleggt, dornah folg noch en Utbillen as Fallschermjäger.
Nah en Insatz in Fort Knox (Kentucky) hett Adamson in Vietnam un Kambodscha as Upklorer, Gruppenführer un Insatzleiter deent. Dornah hett he in de USA en Offiziersloopbahn inslahn. Ünnericht wurr he an de Command and General Staff School. Dornah weer he ünner annern af 1969 ok dree Johr in de Bundsrepublik Düütschland statschoneert.
1977 hett he sien Masterafsluss an de Princeton University in New Jersey im den Fackberiek Luft- un Ruumfohrttechnik maakt. Denn wurr he Lehrer un hett en Assistenzprofessur för Aerodynamik an de USMA annommen. He geev Kurse in Aerodynamik, Hydromechanik, Floogverhollen un Floogtüügstüern, de he sülvst entwickelt harr un hett sogor en Floogsimulator konstrueert. Dornah leet he sück an de Navy Test Pilot School up de Naval Air Station Patuxent River (Maryland) utbillen. 1980 hett he dor sien Tüügnis as Testpilot kreegen.
Jim Adamson weer in de Jöögd ok düchtig sportlich. He wurr as best College-Athlet vun de USA uttekent. Vör allen weer he en recht gooden Pistolenschütten. He weer tweemal natschonaler Meester in’t Pistolenscheeten un führ dat West-Point-Team bi de US-Meesterschapen 1969 an.
NASA-Tätigkeit ännern
Glieks nah sien Testpilotenutbillen keem Adamson Anfang 1981 to dat Johnson Space Center vun de NASA nah Houston (Texas). Wiels de Testflüüg van dat Space Shuttle (STS-1 bit STS-4) hett he as Aerodynamics Officer in dat Kontrollzentrum arbeit. Af STS-5 in‘n November 1982 weer he in dat Mission Control Center för den Beriek Navigatschoon verantwortlich. Dissen Posten harr he bit insluutend STS-41-C in‘n April 1984 inne. Wiels de Tiet, in de kien Shuttle-Missionen stattfunnen hett he för de NASA Forschungs- und Testflüüg vörnommen.
Adamson hett in’n Mai 1984 den Sprung in dat Astronautenkader schafft. He harr sück woll all för de 9. Astronautengrupp as Missionsspezialist bewurben, wurr aber eerst in’n tweeten Anloop mit de Grupp 10 nommen. De Grundutbillen weer in’n Juni 1985 afslooten.
In‘n November 1985 wurr Adamson dat eerste Mal för en Mission upstellt: STS-61-N weer en Floog vun dat US-Verteedigungsministerium un sull in’n September 1986 mit de Ruumfähre Columbia dörführt wurrn. As wiedere Crewliddmaaten weern Kommandant Brewster Shaw, Pilot Mike McCulley, de anner Missionsspezialisten Mark Brown un David Leestma, as ok de Bruuklastspezialisten Frank Casserino vun de US-Air-Force un un Lawrence Skantze (DoD) vörsehn. Wegen dat Challenger-Unglück wurr disse Floog as STS-28 in dat Johr 1989 nahhaalt.
Af 1986 hett Adamson bitt o de Wedderupnahm vun de Shuttle-Flüge in’t Management arbeit. He weer stellvertreeden Baas vun de technisch Afdeelen in dat so nömmt NSTS Program Office.
In’n Februar 1988 wurr he offiziell für STS-28 nomineert. De fiev Daag lang düern Floog mit de Columbia funn in’n August 1989 statt. Disse Mission weer de tweet Mission nah de Challenger-Katastroph. Dat weer en Militärische Mission un man weet nich nipp un nau, wat de Besatzung to doon harr. Man nimmt an, dat se en geheimen Satelliten utsett hemm. Kommandant weer Brewster Shaw, de Missionsspezialisten Adamson, Leestma und Brown weern ok all för de afseggt Mission STS-61-N vörsehn. Blots Pilot Richard Noel Richards weer nee dortokommen.
Gliek nah sien eersten Floog gung he bit Oktober 1990 an dat Kennedy Space Center. Sien Upgaav dor weer dat Överwaaken vun de Floogvörbereitungen vun de eenzelt Ruumfähren.
Adamson sien tweet un letzte Mission funn in’n Harvst 1991 mit de Ruumfähre Atlantis statt. Kommandant vun STS-43 weer John Elmer Blaha, Pilot Michael Alan Baker. De Missionsspezialisten weern neben Adamson noch Matilda Shannon Wells Lucid un George David Low. De Start weer an’n 2. August 1991. Hööftupgaav weer dat Utsetten vun en TDRS-Kommunikatschonssatelliten in en Eerdumloopbahn. De Floog düer 8 Daag un 21 Stünnen un gung an’n 11. August up dat Kennedy Space Center to Enn’n.
Nah de NASA ännern
James Adamson is Enn’n Juni 1992 sowohl as Astronaut as ok as Suldat (letzt Rang weer Oberst) utscheeden. He hett eerst en Beraderfirma grünnd, de Monarch Precision, nehm aber bald en führen Stellung bi en Luft- un Ruumfahrtkonzern an un wurr Präsident vun de Lockheed Engineering and Sciences Company. Wenige Maand later, Enn’n 1995, hett he Lockheed weer verlaaten, hett bi de Grünnen vun United Space Alliance hulpen un wurr sluutend deren Präsident.
1999 hett Adamson de Leitung vun Allied Signal Technical Services övernommen, de denn to Honeywell Technology Solutions fusioneeren dee. In’n März 2001 hett he Honeywell verlaaten un arbeit sietdem weer in sien eegen Beraderfirma, is aber ok noch in en Gremium in, dat de NASA beraden deiht. Adamson is in tweet Ehe verheiraadt un hett dree Kinner.
Weblinks ännern
- NASA: Biografie (engelsch)
- spacefacts.de: Körtbiografie