Brian Quade Torff
Brian Quade Torff (* 16. März 1954 in Chicago) is en US-amerikaansch Bassist vun den Modern Jazz, de todem regelmatig för Orchester as de Boston Pops, dat Los Angeles Philharmonic Orchestra oder Pittsburgh Symphony Orchestra komponeert.
Leven un Warken
ännernTorff studeer Kontrabass sowohl an de Manhattan School of Music as ok an dat Berklee College of Music. 1974 hett he Cleo Laine begleit un denn af 1975 Erroll Garner. Dorneben nehm he en Duoalbum mit Mary Lou Williams up (Live at the Cookery). Mit Stéphane Grappelli weer he af 1976 mehrfak up weltwiet Tourneen. Enn‘ vun de 1970er hett he in en Trio mit Marian McPartland un Jake Hanna arbeit. Tüschen 1979 un 1982 bild he en Duo mit George Shearing. Dorneben hett he ok mit Hank Jones, Clark Terry, James Moody, Jimmy Cobb un Red Rodney arbeit. Siet 1995 hett he de Grupp Union leit, to de ok Paul Wertico un Laurence Hobgood hörrn deen, un weer todem mit Dave Samuels, John Etheridge un Larry Coryell ünnerwegens. He is todem up Upnahmen vun so ünnerscheedlich Musiker as Sonny Stitt, Dave Amram, Roy Kral, Oliver Nelson, Carrie Smith, Tony Bennett, Henry Mancini, Milton Hinton oder Toots Thielemans to hören.
Torff is as Hoochschoollehrer an de Fairfield University för de de hör Jazzprogramm verantwortlich un leit dat Django Reinhardt New York Festival. Wiederhen hörrt he to de Advisory Board vun dat National Endowment for the Arts un is ok as Jazzautor bekannt.
Diskographisch Henwiesen
ännern- George Shearing Blues Alley & Jazz (1979)
- George Shearing On a Clear Day (1980)
- Manhattan Hoe Down (1984)
- Working on a Bassline (1997, mit Joe Beck un Grisha Alexiev)
- State of the Union (1998)
- Life in East Bumblepuck (2006)
Lexigraphisch Indrääg
ännern- Leonard Feather und Ira Gitler, The Biographical Encyclopedia of Jazz. Oxford/New York 1999, ISBN 978-0-19-532000-8
- Martin Kunzler, Jazz-Lexikon Bd. 2. Reinbek 2002; ISBN 3-499-16513-9