Hauptmenü öffnen
Stratenschild vun de ehmols plaanten A 16

De Bundsautobahn 16 (afkört as BAB 16 oder ok A 16) weer en plaante Autobahn in Sassen un Brannenborg.

De A 16 schüll Leipzig mit de Bundsgrenz na Polen verbinnen. Toeerst weer se vörsehn an Steed vun de Bundsstraat 87 vun Leipzig över Torgau un Lübben (Spreewald) na Frankfort an de Oder bit na de BAB 12. Later is en annern Streckenverloop vun Torgau diskuteert worrn, de över Elsterwerda un Cottbus na Frankfort an de Oder oder över Elsterwerda, Hoyerswerda un Weißwasser bit an de Bundsgrenz gahn schüll, mit en möögliche Wieterföhren na de poolschen A 18 bi Zary. Dorbi schüll se an’t Dreeeck Parthenaue vun de BAB 14 an de BAB 38 ansluten, de dat in de Twüschentiet geven deit. An en Krüüz Ruhland schüll se sik mit de BAB 13 snieden un in Weißwasser weer en Autobahnkrüüz mit de ok plaanten BAB 18 vörsehn.

In den noch aktuellen Bundsverkehrsweegplaan ut dat Johr 2003 is de 49,9 km lange Afsnitt twüschen dat Dreeeck Parthenaue un Torgau in den Wietere Nafraag ahn Plaanopdrag inordent. In vördingliche Nafraag warrt ok de veerstriepige Utbo vun de B 87 vun Leipzig na Torgau un ehr tweestriepige Wieterföhren na Frankfort an de Oder oplist. Un jüst so vördringlich is de Utbo vun de Bundstraten B 183 un B 169 vun Torgau na Ruhland. As Bundstraat 160 is vun Hoyerswerda un Weißwasser en ne’en Tobringer na de BAB 13 bi Ruhland plaant.

WeblenkenÄnnern