Hauptmenü öffnen
Bundsdüütsche Autobahntall 215
Verloop vun de A 215

De Bundsautobahn 215 (Afk.:BAB 215 oder ok A 215) is en regionale Autobahn in Sleswig-Holsteen. Se verbinnt op en Läng vun 17 km de A 7 an’t Autobahndreeeck Bordesholm mit de Landshööftstadt Kiel. De A 215 verlööpt op hele Läng tweesporig mit Standspoor.

An’t Autobahndreeeck Bordesholm kann een blots vun Süüden her op de A 215 opfohren. Wenn man aver de A 7 vun Noorden her rünnerkummt, is dat nich mööglich dor op de A 215 to kamen. Man fohrt denn al an’t Autobahnkrüüz Rendsborg op de A 210, de parallel to de A 215 ’n poor Kilometer wieter nöördlich verlöpt, in de se kort vör Kiel an’t Autobahnkrüüz Kiel-West inmünnt.

SünnerheitenÄnnern

Vun wegen de Geometrie vun dat Autobahndreeeck, warrt de Kilometers op de Afbögersporen ünnerscheedlich tellt: Wenn een vun Hamborg ut na Kiel föhrt, denn fangt de Bundsautobahn 215 bi Kilometer 2,1 an, wieldat anners rüm de Inmünnen vun de A 215 in de A 7 nipp un nau bi Kilometer 0,0 to Enn is. De Spoor is wietlöpig boot in münnt eerst ruchweg 2 km wieter weg in de A 7.

WeblenkenÄnnern