Hauptmenü öffnen
Stratenschild vun de ehmols plaanten A 18

De Bundsautobahn 18 (afkört as BAB 18 oder ok A 18) weer en ehmols plaante Autobahn in Brannenborg un Sassen, de aver nich boet worrn is. De Plaan is intwüschen opgeven worrn.

VerloopÄnnern

Plaant weer, dat de A 18 Cottbus mit Zittau verbinnen schüll. Vun Cottbus ut schüll se över Görlitz na Zittau un denn wieter na Tschechien föhren. An’t Dreeeck Cottbus schüll se dorbi de A 15 krüüzen un bi Görlitz weer en Autobahnkrüüz mit de A 4 plaant. En wietere Bundsautobahn, de nich boet worrn is, is de A 16, mit de se sik an dat plaante Krüüz Weißwasser snieden schüll. Mit de dormols plaanten A 17 vun Bautzen na Zittau, för de dat nu de B 178n gifft, weer en Dreeeck in Zittau plaant (de hüütige A 17 schüll bit Mitt vun de 1990er Johren en Deel vun de A 13 warrn).

De Plaan to de A 18 is intwüschen opgeven worrn. An ehr Steed sünd de B 99 un de B 115 Enn vun de 1990er Johren/Anfang vun’t 21. Johrhunnert utboet worrn, de den Verkehr vun Cottbus na Zittau opnehmen doot. Butendem warrt siet 2000 de autobahnglieke Neebo vun de B 178 vun de A 4 vun Weißenberg af bit na Zittau dörföhrt.

WeblenkenÄnnern