Carl Friedrich Wilhelm Flügge
Carl Friedrich Wilhelm Flügge (* 5. März 1818 in Gronau; †) weer en düütschen Verwaltungsbeamten.
Flügge is 1818 as Söhn von Johanna Wilhelmine, borene Ihling, un Christian Heinrich Martin Flügge in Gronau boren. He hett Juristeree studeert un is na dat Studium in’n hannöverschen Staatsdeenst gahn. 1844 weer he Auditer in dat Amt Winsen un denn bet 1852 Amtsassesser bi dat Amt Weener.
He weer von 1852 bet 1854 Amtmann von dat Amt Snevern un denn von 1854 bet 1859 Amtmann von dat Amt Lesum. Nadem dat Amt Lesum oplööst un Deel von dat Amt Blomendal worrn is, is Flügge as Amtmann in dat Amt Blomendal wesselt un weer nu för den Bezirk von dat fröhere Amt Lesum tostännig.
1863 oder 1864 is he Amtmann (na 1867 Amtshauptmann) in dat Amt Esens worrn un hett 1870 den Rang von en Regerungsraad kregen.[1] As Regerungsraad is he na de Regerung Arensperg wesselt.[2]
He hett 1855 Georgina Henriette Carolina Albertine Wolf (* 30. September 1833) freet. De beiden harrn de Kinner Georg Wilhelm (* 18. August 1856), Johanne Friederike Rudolphine (* 20. Juni 1858) un Gustav (25. März 1867-25. September 1928).
Footnoten
ännern- ↑ Königlich Preußischer Staats-Anzeiger. 3. Juni 1870
- ↑ Amtsblatt für Hannover. 1870, Sied 335
