Amt Blomendal
Dat Amt Blomendal weer en Verwaltungsrebeed in Bremen-Veern un in dat Königriek Hannover mit Seet in Blomendal binnen de Landdrostie Stood. Dor hebbt Delen von dat Rebeed von de hüdige Gemeen Swonewebel un Bremen-Noord tohöört.
Dat Leid över dat Amt harr bet 1867 en Amtmann, de twete Beamte weer bet 1816 de Amtsschriever. In de Prüßentied na 1867 hett de eerste Beamte Amtshauptmann heten.
Bet 1852
ännern1436 hett de Stadt Bremen de Familie von Borch de Borg Blomendal mit de Vaagdie un dat Gericht Blomendal afköfft un dor denn en Amt von maakt. 1469 hebbt de Bremers denn ok dat Gericht Ne’enkerken köfft un dat to en Deel von dat Amt Blomendal maakt.
1741 hett de Stadt Bremen de letzten Rechten an dat Amt afgeven. Dat Amt stünn nu alleen ünner de Herrschop von dat Kurförstendom Hannover.
De Kriminalgerichtsborkeit för dat Amt Blomendal hett dat Amt Oosterholt an’n 1. Januar 1831 övernahmen.[1]
1848 weer dat Amt so 54,22 km²[2] groot.
1810 hett Frankriek ünner Napoleon dat Amt innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Wersermünnen un direkt to Frankriek. Blomendal weer in disse Tied de Seet von de Mairie Blomendal. 1813 müssen de Franzosen dat Amt denn opgeven un de ole Stand is wedderkamen.
|
Huusvaagdie Blomendal
|
|
1852-1859
ännernDat Amt Blomendal hett bi de Verwaltungs- un Justizreform an’n 1. Oktober 1852 in dat Königriek Hannover de Gemenen Aumund (mit Lobbendörp), Beckdorp (mit Wölpsche) un Löhnhorst (mit Hünertshagen) an dat Amt Lesum afgeven. Gliektiedig hett dat Amt de Patrimonialgerichten Meyenborg un Swonewebel tokregen.
As Gericht för dat Amt is to’n 1. Oktober 1852 dat Amtsgericht Blomendal inricht worrn.
1859-1885
ännernBi de nächste Verwaltungsreform 1859 is dat Amt Lesum Deel von dat Amt Blomendal worrn.
Nadem dat Königriek Hannover 1866 an Prüßen kamen is, sünd 1867 Stüürkreise in de ne’e Provinz Hannover inricht worrn. Dat Amt hett denn to’n Stüürkreis Oosterholt tohöört.
Na 1885
ännernBi de Verwaltungsreform in Prüßen to’n 1. April 1885 is dat Amt Blomendal oplööst worrn un dor is tohoop mit de Gemenen Aschwarden-Brook un Hinnbeek ut dat Amt Hagen de Kreis Blomendal von worrn.
Inwahnertall
ännern| Johr | Inwahners |
|---|---|
| 1810[4] | 3.759 Lüüd, 674 Füürsteden |
| 1848[2] | 6.338 Lüüd, 922 Hüüs |
| 1867[5] | 15.968 |
Amtlüüd
ännern- 1752–1770: Lucas Bacmeister
- 1770–1795: Johann Christoph Rudorff
- 1795–1805: Johann August Hintze
- ~1818: Georg Erich Hüpeden
- 1833–1847: Otto Jacob Heinrich Friedrich Brauns
- –1885: Georg Carl David Stegemann
- Regerungsassesser Berthold (opdragswies)
Na 1859 tostännig för den Bezirk von dat ole Amt Lesum:
- 1859–~1863/1864: Carl Friedrich Wilhelm Flügge
Footnoten
ännern- ↑ Juristische Zeitung für das Königreich Hannover. Band 6, 1831, Sied 97
- ↑ a b Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
- ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 137: https://books.google.de/books?id=c24IAAAAQAAJ&pg=PA137
- ↑ Zeitschrift des Königlich preussischen statistischen Landesamts. Band 8, http://books.google.de/books?id=gHdKAAAAYAAJ&pg=PA149
Hartogdom Bremen: Stadt Stood | Stadt Buxthu | Stadt Bremervöör | Amt Achem | Amt Beers* | Amt Beverst* | Amt Blomendal | Amt Bremervöör | Amt Dorum | Amt Freeborg | Amt Hagen | Amt Harsfeld | Amt Himmelpoorten | Amt Hornborg* | Amt Jörk | Amt Leendaal | Amt Leh | Amt Lesum* | Amt Neehuus | Amt Oosten | Amt Oosterholt | Amt Otterbarg* | Amt Stood* | Amt Wischhoben* | Amt Zeven
Hartogdom Veern: Stadt Veern | Amt Rodenborg | Amt Snevern* | Amt Veern
Land Hadeln: Stadt Oterndörp | Amt Oterndörp
* bet 1859