Carol Widney Greider

Carolyn Widney "Carol" Greider (* 15. April 1961 in San Diego, Kalifornien, USA) is en US-amerikaansch Molekularbiologin, de dör hör Arbeiten över dat Enzym Telomerase bekannt wurr. Se kreeg tosommen mit Elizabeth Helen Blackburn un Jack Szostak den Nobelpries för Physiologie oder Medizin för dat Johr 2009 tospraken.

Carol Greider in’ März 2009

Wetenschaplich Werdegang

Carol Greider wuss in Davis (Kalifornien) up, wo hör Vader as Physikperfesser up de Campus Davis vun de Universität vun Kalifornien tätig weer. Se studeer Biologie in dat kalifornisch Santa Barbara, wo se hör Afsluss 1983 mit den Titel vun B.A. makt hett. Hör 1987 vörleggt Dokterarbeit över de Funktschoon vun Telomeren hett Carol Greider in dat Labor vun Elizabeth Blackburn an de Universität vun Kalifornien in Berkeley anfertigt, wo beid gemeensam hör bahnbrekend Opdecken to dat Enzym Telomerase makt hebbt. dat en entscheedend Rull bi de Zelldeelen un dat Öllerweerden vun Zellen speelen deiht. In de folgend Johren hett se sück besünners mit de Konsequenzen vun en Fehlfunktschoon vun Telomeren un Telomerase för de Arvsubstanz, de genomische Stabilität vun de Zelle un den Organismus beschäftigt.

Siet 1993 hett se de Daniel-Nathans-Professur un is Direktorin vun de Afdeelen för Molekularbiologie un Genetik vun de Johns Hopkins Universität in Baltimore.

Priesen un Ehrungen

• Nobelpries för Physiologie oder Medizin för 2009, tosommen mit Elizabeth Helen Blackburn un Jack Szostak
• Paul-Ehrlich-und-Ludwig-Darmstaedter-Pries für 2009 gemeensam mit Elizabeth Helen Blackburn
• Louisa Gross Horwitz-Pries (2007) (tosommen mit Elizabeth Helen Blackburn un Joseph Grafton Gall)
• Albert Lasker Award for Basic Medical Research (2006) (tosommen mit Elizabeth Helen Blackburn und Jack Szostak)
• Dickson Prize in Medicine (2006)
• Liddmaat in der National Academy of Sciences (2003)
• Richard Lounsbery Award (2003), National Academy of Sciences
• Gairdner Foundation International Award (1998)

Literatur

eegen Publikationen

• Carol W. Greider, Elizabeth H. Blackburn (1989): A telomeric sequence in the RNA of Tetrahymena telomerase required for telomere repeat synthesis. In: Nature. Bd. 337, Nr. 6205, S. 331–337. PMID 2463488 doi:10.1038/337331a0
• Carol W. Greider, Elizabeth H. Blackburn (1985): Identification of a specific telomere terminal transferase activity in tetrahymena extracts. In: Cell. Bd. 43, Nr. 2, S. 405–413. PMID 3907856 doi:10.1016/0092-8674(85)90170-9

Sekundärliteratur

• Regina Nuzzo (2005): Biography of Carol W. Greider. In: Proceedings of the National Academy of Science U.S.A. Bd. 102, Nr. 23, S. 8077-8079.

Weblenken

Category:Carol Greider. Mehr Biller, Videos oder Audiodateien to’t Thema gifft dat bi Wikimedia Commons.

• Anspraak to de Verleihung vun de Lasker-Pries (mit Foto)
• „Elizabeth H. Blackburn und Carol Greider erhalten den mit 100.000 Euro dotierten Paul Ehrlich- und Ludwig Darmstaedter-Preis 2009“