Wikipedia

Johns Hopkins University

De Johns Hopkins University (JHU) is en private Universität in Baltimore in den USA. De Eliteuniversität wurr an’n 22. Februar 1876 as eerste Universität in den Vereenigten Staaten grünnd, de Forschung un Lehre nah dat Vörbild van düütsch Universitäten vereenen dee, insbesünnere nah dat Modell van de Universität Heidelbarg. Ehrn Naam kreeg se van Johns Hopkins, de to de Grünnen van de Universität un dat Johns Hopkins Hospital bi sien Dood 1873 en Arv van 7 Millionen US-Dollar achterlaaten dee. Dat Motto van de Universität luut Veritas vos liberabit (so völ as: De Wohrheit deiht jo free maken).

Hööfttcampus, Gilman Hall
De George Peabody Library
De John Work Garrett Library
De Eisenhower Library van de JHU, Homewood Campus

Insgesamt sünd mit de Universität bit dato 37 Nobelpriesdräger un een Fields-Medaillen Priesdräger verbunnen. De Universität wurrd allgemeen in de internatschonalen Hoochschoolrankings jewiels den 20 respektive 10 best Universitäten van de Welt torekent un tellt to de er prestigeträchtigsten Hoochschoolinstitutschonen van dat Land.[1][2])

Bedüüden un Inordnung ännern

De JHU is en Elitehoochschool, de en führend Rull in zentraal Berieken as Medizin, Gesundheitswetenschapen un internatschonal Politik innimmt. Se liggt an dart Stäe van de an’n meesten ziteerten Forschungsinstitutschonen weltwiet[3] un wurrd in Hoochschoolrankings regelmatig ünner de 20 best Universitäten van de Welt führt.[4] Ofschons se nich to de Universitäten van de so nömmt Ivy League tellt, hörrt se dennoch to de renommeertesten Universitäten van dat Land. Hör Medical School un de Bloomberg School of Public Health gellen as weltwiet führend Inrichtungen för Medizin un Public Health. Dat Glieke gellt ok för de School of Advanced International Studies (SAIS) in Washington, D.C. un Bologna för de Beriek van de internatschonal Politik un Wertschapswetenschapen. De Klinik van de medizinische Fakultät, dat Johns Hopkins Hospital, steiht in dat jährliche Krankenhuus-Ranking van dat Weekenmagazin U.S. News & World Report siet etwa 20 Johren up Platz 1.[5]

Etwa 35 – nah de strengere Kriterien van de JHU sülvst blots 25 – in irgendeen Form as Alumni oder Lehrende mit hör assozieerte Personen kreegen bither en Nobelpries. Dorto tellen James Franck un Adam Guy Riess (Nobelpriesen för Physik), Joseph Erlanger (Nobelpries för Medizin), Bernard Lown stellvertredend för de Organisatschoon IPPNW (Internatschonale Dokters för dat Verhöden van den Atomkrieg) un Woodrow Wilson (Freedensnobelpriesen), Richard Stone un Simon Smith Kuznets (Nobelpriesen för Wertschap) as ok John Maxwell Coetzee, de hier as Gastperfesser tätig weer (Nobelpries för Literatur).[6]

Bispeelswies wurr an de JHU in de 1930er Johren dat Prinzip van de Defibrillatschoon van dat Hart dör Stroomstööten erkannt un sett hier 1950 de Entwicklung van en Defibrillator to den Gebruuk bi slooten Borstkörv in.

De Hoochschool is Grünnensliddmaat van de Association of American Universities, en siet 1900 bestahn Verbund van führend forschungsintensiv nordamerikaansch Universitäten. To Tiet sünd an de Hoochschool 22.686 Studenten inschreven.

De Universität harr 2007 mit 1,554 Milliarden US-Dollar de hööchsten Utgaven för Forschung un Entwicklung ünner de amerikaansch Universitäten.[7]

Organisatschon ännern

Dat gifft akademische Institute, verdeelt up veer Standöörd:

  • Homewood Campus (in’n Norden van Baltimore):
    • Zanvyl Krieger School of Arts and Sciences
    • G.W.C Whiting School of Engineering
    • School of Professional Studies in Business and Education
  • East Baltimore Campus (in‘n Osten van Baltimore):
  • Mount Vernon Place (in dat Stadtzentrum van Baltimore):
    • Carey Business School
    • The Peabody Institute (School of Music)
  • Paul H. Nitze School of Advanced International Studies (SAIS) in Washington, D.C. Disse Graduate-School hett todem en Campus in Bologna (dat SAIS Bologna Center) as ok över en Butenstäe in Nanjing, China.

Wiederhen sünd noch folgende (Forschungs-)inrichtungen anslooten:

  • Applied Physics Laboratory (tüschen Baltimore un Washington)
  • Bayview Medical Center
  • Charles S. Singleton Center at the Villa Spelman
  • Downtown Center in Baltimore
  • European Office in Berlin
  • Johns Hopkins Singapore
  • Washington, D.C. Area Campuses
  • Biomedical Informatics Research Network (BIRN)
  • American Institute for Contemporary German Studies

Sport ännern

De Sportteams wurrn de Blue Jays (Blauhäher) nömmt. De Hoochschool is Liddmaat in de Centennial Conference. Besünner spoodriek is dat Lacrosse-Team.

Präsidenten ännern

Alumni (Utwahl) ännern

As en van de führend Hoochscholen van de USA tellen to de Alumni van de Universität führende Persönlichkeiten ut Wetenschap, Politik (u. a. een US-Präsident), Kunst un Kultur ut alle Welt:

  •  
    Thomas Woodrow Wilson, US-amerikanischer Präsident
  •  
    Joseph Erlanger, Physioloog un Nobelpriesträger
  •  
    Gertrude Stein, Schrieverin
  •  
    Spiro Theodore Agnew, US-amerikaansch Viezpräsident
  •  
    Madeleine Albright, US-amerikaansch Butenministerin
  •  
    Michael Bloomberg, Ünnernehmer un Börgermeester van New York City

Akademisch Lehrer ännern

In de Historie van de Universität geev dat tallriek herutragend akademisch Lehrer, dorto hörrn:

As ok de Mediziner:

Vörwurf van unethische Minschenversöök ännern

Januar 2019 hett en US-Richter entscheed, dat sück de Universität neben den Pharmakonzern Bristol-Myers Squibb un de Rockefeller-Stiftung för Syphilis-Minschenversöök vör Gerich verntwoorten moot, bi de af den 1940er Johren nich informeerte Minschen in Guatemala mit Syphilis oder annner Geschlechtskrankheiten infizeert wurrn, um de Wirksamkeit van Penicillin to testen. Updeckt wurrn de Versöök 2010 van de Perfessersche Susan Mokotoff Reverby van dat Wellesley College, se weer up Notizen van John Charles Cutler stött, en 2003 storven Spezialisten för Geschlechtskrankheiten. Cutler harr de Versöök tietwies leit un mit Kollegen de Tests in Guatemala an Suldaten, psychisch Kranken, Prostitueerten un veroordeelt Straaftätern vörnommen.[8]

Weblinks ännern

  Johns Hopkins University. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen ännern

  1. ↑ [1] Nobel Prize winners, afropen an’n 24. August 2018 (engelsch)]
  2. ↑ World University Rankings, Times Higher Education (THE) . Datum 18. August 2017 (Online: [2]afropen an’n 24. August 2018
  3. ↑ http://sciencewatch.com/inter/ins/09/09Top20Overall/
  4. ↑ Times Hoochscholranking
  5. ↑ http://health.usnews.com/health-news/best-hospitals/articles/2010/07/14/best-hospitals-2010-11-the-honor-roll.html
  6. ↑ Nobel Prize Winners, afropen an’n 11. April 2019.
  7. ↑ National Science Foundation: Universities Report Continued Decline in Real Federal S&E R&D Funding in FY 2007 (afropen an’n 11. April 2019)
  8. ↑ Menschenversuche: Pharmariese muss sich verantworten orf.at, 5. Januar 2019, afropen an’n 12. April 2019.

Koordinaten: 39° 19′ 48″ N, 76° 37′ 14″ W

Vun „https://nds.wikipedia.org/w/index.php?title=Johns_Hopkins_University&oldid=863528“