Wikipedia

Christian Heinrich Friedrich Peters

Christian Heinrich Friedrich Peters (* 19. September 1813 in Kombüddel, Sleswig-Holsteen; † 18. Juli 1890 in Clinton, New York) weer en düütsch-US-amerikaanschen Astronom.

Christian Heinrich Friedrich Peters

Leven un Wark ännern

De Öllern vun Christian H. F. Peters weern Hartwig Peters (1784–1848), de siet 1825 Paster in Flensborg weer, un sien Ehfro Catharina Paulina Böckmann (1790–1878). He harr veer Bröder, vun de Eduard Peter Matthias Peters (* 1812; † 1873) Bövergerichtsafkaat in Meldörp weer, de dat Nanny-Peters-Stift in Meldörp opboet hett. Sien Broder Wilhelm Peters weer Naturforscher, de annere Broder, Otto Nikolaus Henning Peters (* 7. Januar 1819; † 1905) is later Propst in Flensborg worrn un harr en Parrsteed in de Flensborger Kark St. Marien. Sien jüngsten Broder, Hartwig Peters weer as Koopmann in Messina (Sizilien) ünnerwegens.

Peters studeer Astronomie un Mathematik bi J. F. Encke an de Berliner Universität un hett na sien Promotschoon as Hülpsmann vun den Mathematiker Carl Friedrich Gauß in Chöttingen arbeit.

Tosamen mit den Geoloog Wolfgang Sartorius vun Waltershausen güng he op en Exkursion na Sizilien, woneem he den Vulkan Ätna ünnersöcht hett. Vun disse Reis tüügt de Meridian in de Kathedrale vun Acireale. De besteiht ut en lange Reeg vun klöörte Fliesen, de tallrieke geograafsche un astronoomsche Meetwerten vun Peter sien geodäätschen Arbeiten un sien biograafschen Daten wiest.

entdeckte Asteroiden: 48
(72) Feronia 29. Mai 1861
(75) Eurydike 22. September 1862
(77) Frigga 12. November 1862
(85) Io 19. September 1865
(88) Thisbe 15. Juni 1866
(92) Undina 7. Juli 1867
(98) Ianthe 18. April 1868
(102) Miriam 22. August 1868
(109) Felicitas 9. Oktober 1869
(111) Ate 14. August 1870
(112) Iphigenia 19. September 1870
(114) Kassandra 23. Juli 1871
(116) Sirona 8. September 1871
(122) Gerda 31. Juli 1872
(123) Brunhild 31. Juli 1872
(124) Alkeste 23. August 1872
(129) Antigone 5. Februar 1873
(130) Elektra 17. Februar 1873
(131) Vala 24. Mai 1873
(135) Hertha 18. Februar 1874
(144) Vibilia 3. Juni 1875
(145) Adeona 3. Juni 1875
(160) Una 20. Februar 1876
(165) Loreley 9. August 1876
(166) Rhodope 15. August 1876
(167) Urda 28. August 1876
(176) Iduna 14. Oktober 1877
(185) Eunike 1. März 1878
(188) Menippe 18. Juni 1878
(189) Phthia 9. September 1878
(190) Ismene 22. September 1878
(191) Kolga 30. September 1878
(194) Prokne 21. März 1879
(196) Philomela 14. Mai 1879
(199) Byblis 9. Juli 1879
(200) Dynamene 27. Juli 1879
(202) Chryseïs 11. September 1879
(203) Pompeja 25. September 1879
(206) Hersilia 13. Oktober 1879
(209) Dido 22. Oktober 1879
(213) Lilaea 16. Februar 1880
(234) Barbara 12. August 1883
(249) Ilse 16. August 1885
(259) Aletheia 28. Juni 1886
(261) Prymno 31. Oktober 1886
(264) Libussa 22. Dezember 1886
(270) Anahita 8. Oktober 1887
(287) Nephthys 25. August 1889

Later hett Peters an de Steernwacht Capodimonte in Neapel arbeit, woneem he Sünnplacken beobacht hett. 1846 hett he den bannig lichtswacken Komeet 80P/Peters-Hartley (1846 VI) opdeckt. De Bahnbestimmen dorto hebbt sik later as verkehrt rutstellt. Dorüm künn de Komeet eerst 1982 wedder opdeckt warrn.

To de Tiet weer de politische Laag in Italien unbestännig, so dat Peters 1849 na Frankriek flüchten müss. He güng vun dor ut ahn Besitt na Konstantinopel (dat hüütige Istanbul). Man wegen sien utermatigen Kennisse in Spraken – Peters snack blangen mehrere europääsche Spraken Ooltgreeksch, Latien, Araabsch, Persisch un Töörksch – is he wetenschopplische Berader vun Reshid Pascha, den Grootwesir vun’n Sultan Mejid II. worrn.

Op Anraden vun den US-amerikaanschen Bottschopper in de Törkie un mit en Schrieven vun Alexander vun Humboldt in de Tasch, de em as rutragen Peson anraden de, güng Peters 1854 na Noordamerika. He besöch de Steernwacht vun de Harvard-Universität un hett op en Drapen vun de American Association for the Advancement of Science in Providence, Rhode Island, en Vördrag över sien Sünnbeobachten hollen. Peters harr de Ansicht, dat dat op de Sünn gresige elektrische Störm geven de. Butendem harr he beobacht, dat sik de Sünnplacken nicht blots as Resultat vun de Rotatschoon in Richt vun’n Äquater bewegen deen, man ok langs den Längdengrad. 1856 is he in de American Academy of Arts and Sciences wählt worrn, 1876 in de National Academy of Sciences.

In de Tiet dorna weer Peters an de Dudley-Steernwacht in Albany, New York anstellt. Dor hett he an’n 25. Juli 1857 noch en Komet opdeckt. Man, de Positschoon weer slecht betahlt un dat geev jümmerto Arger twüschen de Wetenschopplers un de Geldgevers vun dat Institut.

In’t Johr 1859 hett Peters en Steed as Professer för Astronomie an’t Hamilton College in Clinton, New York, annahmen. Dat Institut harr en nee boete Steernwacht mit en 13-½-Toll-Refrakter, wat to de Tiet dat gröttste Teleskop in heel Amerika weer. Man, de Astronomie harr in de USA to de Tiet noch keen grote Bedüden, un so weer ok de Steed nich goot betahlt. Peters hett so ok wieterhen mit dat Mindste to’n Leven utkamen müsst. Ok in disse Tiet hett he Sünnplakcen beobacht. Man de Resultaten vun sien Arbeit weern eerst na sien Doot publizeert.

As Peters 1861 den Asteroid (72) Feronia opdeckt hett, hett de Fackwelt em wedder wohrnahmen. Peters harr vörhatt den Asteroid (66) Maja to söken, de vörher al vun H.P. Tuttle opdeckt weer un hett dorbi unvermodens sülvst en ne’en Asteroid funnen. In de Johren dorna hett he alltosamen 48 Asteroiden nee opdeckt. Dormit weer he to de Tiet de tweet-spoodriekste Asteroiden-Opdecker achter den Öösterrieker Johann Palisa

Na em sülvst is 2015 de Asteroid (100007) Peters nöömt worrn.

Publikatschonen (Utwahl) ännern

  • mit Edward Ball Knobel: Ptolemy’s Catalogue of Stars. A Revision of the Almagest. Washington 1915 (= Carnegie Institution of Washington. Publication No. 86).

Literatur ännern

Vun „https://nds.wikipedia.org/w/index.php?title=Christian_Heinrich_Friedrich_Peters&oldid=1012210“