Christian de Duve
Christian René de Duve (* 2. Oktober 1917 in Thames Ditton, Grootbritannien, † 4. Mai 2013[1]) weer en belgisch Biochemiker un Nobelpriesdräger.[2]
Leven un Wark
ännernDe Öllern vun de Duve, de ut Belgien stammen deen, weern wiels den Eersten Weltkrieg nah England flücht un sünd mit hüm 1920 nah Antwerpen trüggkommen. 1941 hett he sien Medizinstudium in Löwen mit den Doktertitel afslooten.
Nah Studienupenhollen in Stockholm un Washington D.C. wurr de Duve 1951 Perfesser in Löwen. He hett twee nee Zellbestanddeelen opdeckt: de Lysosomen, Bläschen, worin sück hydrolytische Enzyme befinnen, de defekte oder nich mehr bruukt wurrn Zellorganelle oder vun buterhelv vun de Zelle in Nehrensvakuolen upnommen Stoffe afbauen, as ok de Peroxisomen, de ebenfalls en Entgiftensfunktschoon hemm.
1960 kreeg he den Francqui-Pries, en renommeerten belgischen Wetenschapspries, för sien Arbeiten to de Biochemie.
1962 wurr he Perfesser an dat Rockefeller-Institut in New York, wo Albert Claude in de 1940er Johren de eersten elektronenmikroskopischen Forschungen an Zellen dörführen de un wor George Emil Palade tätig weer.
Siet 1973 weer he Liddmaat vun de Deutschen Akademie der Naturforscher Leopoldina.
1974 kreeg he, tosommen mit Claude un Palade, den Nobelpries för Physiologie oder Medizin för sien Ünnersöken to de Struktur un Funktschoon vun de Zelle. In dat glieker Johr hett he dat Internatschonale Institut för Zell- und Molekularpathologie (ICP) in Brüssel grünnd, in de sien Leitung he bit to sien Dood involveert weer. 1989 kreeg he de E. B. Wilson Medal un 1967 den Canada Gairdner International Award.
In' Mai 2013 hett he vun de in Belgien tolaaten Starvenshülp Gebruuk maakt.
Veröffentlichungen
ännern- Christian de Duve: Die Zelle - Expedition in die Grundstruktur des Lebens. Spektrum der Wissenschaft Verlagsgesellschaft, Heidelbarg 1986. ISBN 3-922508-96-0. Översetten vun de engelschspraakig Originalutgaav A guided tour of the living cell van 1984 (Scientific American Books, New York) in de Düütsch Spraak.
- Christian de Duve: Aus Staub geboren - Leben als kosmische Zwangsläufigkeit. Rowohlt Taschenbuch Verlag, Hamborg 1997. ISBN 3-499-60160-5. Översetten vun de engelschspraakig Originalutgaav Vital dust. Life as a cosmic imperative van 1995 (Harper Collins Publishers, New York) in de Düütsch Spraak.
- Christian de Duve: Ursprung des Lebens - Präbiotische Evolution und die Entstehung der Zelle. Spektrum Akademischer Verlag, Heidelbarg - Berlin - Oxford 1994. ISBN 3-86025-187-2. Översetten vun de engelschspraakig Originalutgaav Blueprint for a cell: The nature and origin of life van 1991 (Neil Patterson Publishers, Burlington, North Carolina) in de Düütsch Spraak.
- Christian de Duve: Die Genetik der Ursünde - Die Auswirkung der natürlichen Selektion auf die Zukunft der Menschheit. Spektrum Akademischer Verlag, Heidelbarg 2010. ISBN 978-3-8274-2708-3.