Claude Criquielion

Claude Criquielion (* 11. Januar 1957 in Lessines; † 18. Februar 2015 in Aalst) weer en belgisch Radrennfohrer. Sien Profi-Karriere fung1979 an un gung bit 1991. In de Tiet hett he 57 Siege errungen. He weer 1984 Weltmeester in't Straatenrennen.

Biographie ännern

Criquielion fung sien Profiloopbahn 1979 bo dat belgisch Radsportteam Kas-Campagnolo an.

Sien grööttste Spood weer de Titelgewinn bi de Profiweltmeesterschapen in Barcelona 1984, bi de he 14 Sekunn vör Claudio Corti dat Teel recken dee. De Versöök dissen Spood noch mal to schaffen misslung bi de Weltmeesterschapen 1988 in Ronse, as he in en dree Mann stark Tippgrupp kört vör dat Teel mit Steve Bauer annanner raaken dee un to Fall keem, so dat de an den Stört nich bedeeligt Maurizio Fondriest Weltmeester wurr. Criquielion, de dör den Stört blots up Platz 11 keem, hett Bauer ansluutend ahn Spood verklagt.^[1]

Criquielion hett tüschen 1979 un 1990 jedes Johr de Tour de France bestreeden un kunn de Runfohrt elf Mal bit to Enn' dörfohren, dorünner fiev Mal ünner de best Teihn. Sien best Platzeeren gelung hüm dorbi 1986, as he in de Gesamtwertung up den fievten Platz keem. De best Platzeeren bi de anner Grand Tours reck he as Dart vun de Vuelta a España 1980 un as Söbent vun de Giro d’Italia 1989.

Ok bi de Klassikern weer Criquielion spoodriek. So wunn he 1987 de Flannern-Rundfohrt as ok 1985 un 1989 den La Flèche Wallonne.

To de Saison 2000 övernehm he den Posten vun den Sportdirekter bi dat Team Lotto,^[2] wo he bit Enn' vun de Saison 2004 bleev. 2005 wurr he Sportlich Direkter vun de belgisch Mannschap Landbouwkrediet-Colnago, bi de ok sien Söhn Mathieu as Radrennfohrer beschäftigt weer.

An' 18. Februar 2015 is Criquielon an den Folgen vun en Slaganfall storven.^[3] Sien Familie hett en Organspende tostimmt.^[1]

Wat he schafft hett ännern

1979

1982

Piel vun Brabant

1983

Clásica San Sebastián

1984

1985

1986

1987

Flannern-Rundfohrt

1988

GP Midi Libre

1989

La Flèche Wallonne

1990

Belgischer Meester - Straatenrennen

Teams ännern

1979: KAS-Campagnolo
1980: Splendor-Admiral
1981: Splendor-Wickes
1982: Splendor-Wickes
1983: Splendor-Euroshop
1984: Spenco
1985: Hitachi-Splendor
1986: Hitachi-Marc-Splendor
1987: Hitachi
1988: Hitachi-Bosal
1989: Hitachi
1990: Lotto-Super Club
1991: Lotto-Super Club

Weblenken ännern

Enkeld Nahwiesen ännern

↑ ^a ^b http://www.cyclingnews.com/news/claude-criquielion-dies-aged-58, Claude Criquielion dies aged 58, Herutgever: cyclingnews.com, van' 18. Februar 2015, afropen an' 22. Februar 2015 (engelsch)
↑ http://autobus.cyclingnews.com/results/2001/tour01/results/results_stage_17.shtml, Lotto wins second stage in three days, Herutgever cyclingnews.com (engelsch)
↑ http://www.radsport-news.com/sport/sportnews_91522.htm, Claude Criquielion an den Folgen eines Schlaganfalls gestorben, Herutgever: radsport-news.com, van' 18. Februar 2015, afropen an' 22. Februar 2015

[cn-1] ttp://www.cyclingnews.com/news/claude-criquielion-dies-aged-58, Claude Criquielion dies aged 58, Herutgever: cyclingnews.com, van' 18. Februar 2015, afropen an' 22. Februar 2015 (engelsch)

[ds-2] ttp://autobus.cyclingnews.com/results/2001/tour01/results/results_stage_17.shtml, Lotto wins second stage in three days, Herutgever cyclingnews.com (engelsch)

[3] ttp://www.radsport-news.com/sport/sportnews_91522.htm, Claude Criquielion an den Folgen eines Schlaganfalls gestorben, Herutgever: radsport-news.com, van' 18. Februar 2015, afropen an' 22. Februar 2015

[1]

[2]

[3]