La Flèche Wallonne
La Flèche Wallonne (so völ as: Walloonsch Piel, fläämsch: De Waalse Pijl) is en siet 1936 jährlich (mit Utnahm van 1940) in den walloonschen Deel vun Belgien utdragen Eendagsrennen, dat vun de Société du Tour de France veranstaltet wurrd. Dat klassisch Eendagsrennen hörr för dree Johr to de in 2005 nee inführt UCI ProTour, en Reeg vun de wichtigst Radrennen vun dat Johr. Siet 2001 hörrt dat Rennen to de Nahfolgereeg UCI World Tour.
De walloonsch Piel gellt as een vun de wichtigst Fröhjohrsklassikers in’ Radsport, steiht aver jümmer en beten in Schadden vun dat noch bekanntere Rennen Lüttich-Bastogne-Lüttich, dat immer veer Daag later utdragen wurrn. Beid Rennen tosommen wurrd traditschonell as dat „weekend ardennais“ betekent. Nee’erdings wurr ok dat tovör stattfinnen Rennen Amstel Gold Race to de „Ardennen-Week“ rekent.
Streck
ännernIn de eerst Johren funn dat ansprööksvull, dör dat hügelige Land vun den belgisch Ardennen führen Rennen tüschen Tournai un Lüttich statt un weer bit to 300 km lang. Bit 1986 wurrn wesselnd Strecken wählt, de nie länger as 150 km weer. Nah dat Regelwark vun de UCI dröfft dat Rennen siet Midden vun de 1990er Johren nich länger as 200 km ween. Siet eenig Johren is Charleroi de Startoort vun den belgischen Klassiker.
Wichtigst Charakteristikum vun dat Streckenprofils is dat Teel in Huy. Dat Teel liggt an dat Enn’ vun de so nömmt Müer vun Huy (franzöösch:: Mur de Huy), en swooren Ansteeg vun rund 1,3 km Längt. De „Müer“ is mit hör Anstiegen vun dörsnittlich 10% – maximal 27 % – för de Entscheeden vun dit Radrennen meest vun utslaggevend Bedüüden.
Siet 1993 wurrd en Flèche Wallonne för Fruen utdragen, de toletzt över 98 km führ. Dat Rennen tell bit 2004 to’n Rad-Weltcup vun de Fruen.
Palmarès
ännernMannlüüd
ännernBit in de 1970er Johren wurr dat Rennen eendüüdig vun Belgiers bestimmt. Sietdem hett sück de Siegerlist internatschonaliseert- Mit fiev Siegen is de Spanier Alejandro Valverde de spoodriekst Fohrer folgt vun de Belgier Marcel Kint un Eddy Merckx as ok de Italiener Moreno Argentin un Davide Rebellin un de Franzoos Julian Alaphilippe mit je dree Siegen bi de „Piel“.
.svg){kind=small}
Fruen
ännernSiet 1998 wurrd de Klasiker ok för Fruen dörführt. Bither kunnen Marianne Vos un Anna van der Breggen ut den Nedderlannen dat Rennen fievmal, de Britin Nicole Cooke as ok de Italienerin Fabiana Luperini dat Rennen dreemal winnen.
|
|
.svg){kind=small}
