Clyde Hart (Jazzmusiker)
Clyde Hart (* 24. Februar 1910[1]; † 19. März 1945 in New York City) weer en US-amerikaansch Jazz-Pianist, de den Modern Jazz up dat Piano vörbereit hett.
Clyde Hart keem 1930 mit Jap Allen nah Kansas City un eenig Johren later nah New York, wo he mit Stuff Smith af 1937, mit Roy Eldridge 1939-1940, Lucky Millinder 1941, mit John Kirby 1942/43, mit Billy Eckstine in’ Sömmer 1944 un Oscar Pettiford Enn’ 1944 speel. He is an Tuberkulose storven, noch bevör he en angemeeten Bidrag to de Entwicklung vun den Bebop leisten kunn, de sien Rang entspraken harr. He weer tietwies en fragten Musiker för Studioupnahmen: He is up Schallplatten to hören mit Ben Webster, Coleman Hawkins, Dizzy Gillespie un Charlie Parker, aber ok mit Lionel Hampton, Rubberlegs Williams, Henry Allen, Chu Berry, Don Byas, Cozy Cole, Tiny Grimes, Billie Holiday, John Kirby, Hot Lips Page, Stuff Smith, Trummy Young u. a..
Hart hett für Lionel Hampton 1942 den Titel In The Bag arrangeert un nehm tüschen 1944 un 1945 ünner eegen Plaaten up, u. a. mit Byas, Parker und Gillespie för Continental. He speel as en vun der eersten Pianisten mit de Musikers vun den Bebop un blivt vör allen dör sien Mitwarken an Charlie Parkers eersten Schallplatteninspelungen in Erinnerung.
Literatur ännern
- Martin Kunzler: Jazz-Lexikon, Reinbek, Rowohlt, 1988