Dernsen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21385 | |
| Vörwahl: | 04132 | |
| Geograafsche Laag: | Koordinaten:53° 8′ N, 10° 10′ O53° 8′ N, 10° 10′ O | |
|
| ||
Dernsen (hoochdüütsch Dehnsen) is en Dörp in de Gemeen Amelkusen (Samtgemeen Amelkusen) in’n Landkreis Lümborg, Neddersassen.
Geografie ännern
De Oort liggt in de Lümbörger Heid, knapp annerthalv Kilometer af von de Luh.
De Naveröörd sünd Rulfsen in’n Noorden, Olndörp un Wohlenbüttel in’n Noordoosten, Amelkusen, Sottörp un Etzen in’n Oosten, Rehlen un Bocken in’n Süüdoosten, Oosterehlbeck un Rehrhoff in’n Süüdwesten, Swimmbeck in’n Westen un Thansen un Soosdörp in’n Noordwesten.
Historie ännern
In’n Eersten Weltkrieg sünd veer Soldaten ut Dernsen fullen oder vermisst un in’n Tweten Weltkrieg 20.[1]
Verwaltungsgeschicht ännern
In de Franzosentied hett de Oort to dat Königriek Westfalen höört un dor toeerst 1810 bet 1811 to de Mairie Rulfsen in’n Kanton Garlstörp.
De Oort weer fröher opdeelt. Een enkelten Hoff hett to dat Amt Scharnbääk tohöört un de Rest to de Amtsvaagdie Amelkusen in dat Amt Winsen. 1795 hett dat Amt Scharnbääk sien Hoff an dat Amt Winsen afgeven.[2] De Oort hett von 1852 bet 1859 to dat Amt Solzhusen tohöört un denn von 1859 bet 1885 to dat Amt Lüün. Na 1885 weer dat in’n Kreis Lümborg, de 1932 mit’n Kreis Bleikd to’n ne’en un grötteren Kreis Lümborg tohoopgahn is.
De Oort weer fröher en egenstännige Buurschop, to de ok de Öörd Etzen, Oosterehlbeek un Rehrhoff mit bihöört hebbt. 1852 sünd de veer Öörd aver all egene Gemenen worrn. 1929 is de Oort Deel von de Gemeen Etzen worrn, de an’n 1. März 1974 mit de Gemeenreform in Neddersassen sülvs Deel von de Gemeen Amelkusen worrn is.
Inwahnertall ännern
| Johr | Inwahners |
|---|---|
| 1791[3] | 6 Füürsteden |
| 1824[4] | 6 Füürsteden |
| 1848[5] | 58 Lüüd, 6 Hüüs |
| 1. Dezember 1871[6] | 80 Lüüd, 9 Hüüs |
| 1. Dezember 1885[7] | 89 Lüüd, 10 Hüüs |
| 1. Dezember 1905[8] | 66 Lüüd, 9 Hüüs |
| 1. Dezember 1910[9] | 78 |
Religion ännern
Dernsen is evangeelsch-luthersch präägt un höört to dat Kaspel von de Hippolit-Kark in Amelkusen.
För de Kathoolschen is de Marien-Kark in Lümborg tostännig.
Kultur ännern
En Denkmaal för de Fullenen ut de twee Weltkrieg’ steiht in Amelkusen bi de Kark.
Weertschop un Infrastruktur ännern
För Dernsen is de freewillige Füürwehr Amelkusen mit tostännig.
Verkehr ännern
An Dernsen löppt de Kreisstraat 9 langs, de in’n Noordwesten na Soosdörp an de Kreisstraten K 45 un K 44 ran geiht un de in’n Süüdoosten in de Bundsstraat 209 münnt. De B 209 föhrt in’n Noordoosten över Amelkusen un Drögennindörp na Lümborg un in’n Süüdwesten över Rehrhoff op Soltau to. In Amelkusen drippt de B 209 ok op de Landsstraat 234, de in’n Noorden över Olndörp un Puunsen na Solzhusen löppt un in’n Süüdoosten över Diersbüttel na Wriel.
De nächste Autobahn is de Autobahn 7 (Afsnidd Hamborg–Hannover). De Opfohrt 42 Ebendörp liggt so negen Kilometer in’n Noordwesten von Dernsen an de L 212.
De nächste Bahnhoff is so bi 20 Kilometer wied weg in’n Süüdoosten de Bahnhoff Wriel an de Bahnlien Ülzen–Langwedel. Op de Bahnlien Lümborg–Soltau hett dat von 1913 bet 1977 Personenverkehr geven. De Bahnhoff Soosdörp leeg in düsse Tied twee Kilometer in’n Noordwesten.
Scholen ännern
De Kinner ut Dernsen gaht na de Grundschool Soosdörp.
Footnoten ännern
- ↑ Onlineprojekt Gefallenendenkmäler
- ↑ Ernst Spangenberg: Sammlung der Verordnungen und Ausschreiben welche für sämmtliche Provinzen des hannoverschen Staats ergangen sind. 3. Deel (1780-1799), Hahnsche Hoffbookhandlung, Hannover 1821, Sied 777
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 53
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 128
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 103
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 122
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 135
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 112
- ↑ Inwahnertallen op gemeindeverzeichnis.de
