Diskuschoon:Huh

De Naam

Hm. Vun'e Etymologie her bekeken, is düsse Naam desülve, as Hu’e oder Hu, wat wi ok hebben doot. Gifft dat en Grund, worüm de all anners schreven weert? Ik fraag mi ja fökener mol, ob wi de Schrievwies vun Dörper und Steden würklich phoneetsch angahn schüllt. Tomalen dat eerste Dorp, wat up de Gavelsiet bi Hu steiht, woll datsülvige is, as dat hier....--Bolingbroke ✍ 19:05, 9. Mär 2017 (CET)

Du hest recht, dat is en swoor Thema. Ik sülvs kenn den Oort nich, dat is to wied weg von mien Tohuus. Ik mutt na dat gahn, wat annere seggt. De Belegoortdatenbank von dat Neddersassische Wöörbook hett en Beleg för den Oort in de Schrievwies Huh. Aver logisch is dat h dor an't Enn nich. Dat is wohrschienlich ok de Grund, dat ik 2008 Hu anleggt un den Oort dor ahn h indragen heff.

Nu hebbt wi noch de Situatschoon, dat en plattdüütschen Schriever ut dat Dörp kummt. Villicht hett Martin Börsmann jümmer Huh schreven un för de Lüüd in dat Dörp is dat h en wichtigen Deel von de Identität. Villicht aver ok nich un de Lüüd is dat schietegaal. Ik weet dat nich.

En Lösung för dat Problem heff ik op jeden Fall nich. --::Slomox:: >< 08:45, 10. Mär 2017 (CET)