Huh
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27616 | |
| Vörwahl: | 04748 | |
| Geograafsche Laag: | Koordinaten:53° 25′ N, 8° 46′ O53° 25′ N, 8° 46′ O | |
|
| ||
Huh (hoochdüütsch Elfershude) is en lütt Dörp in de Gemeen Beverst in’n Landkreis Cuxhoben, Neddersassen. Binnen de Gemeen Beverst höört de Oort to de polietsche Oortschop Stubben.
Geografie
ännernDat Dörp liggt op de Oosterholter Geest. Dat Water ut dat Rebeed flütt över’n Billerbeek na de Luun hen af.
De Naveröörd sünd Deelbrügg, Wachholt un Beverst in’n Noordoosten, Beverstermöhlen in’n Oosten, Stubben un Adelst in’n Süüdoosten, Bokel in’n Süden, Hollen in’n Westen un Freeschluunbarg un Westerbeverst in’n Noordwesten.
Historie
ännernVerwaltungsgeschicht
ännernIn de Franzosentied von 1810 bet 1814 hett de Oort to de Mairie Beverst in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1851 to de Huusvaagdie Bexhöv in dat Gericht Beverst tohöört un denn von 1851 bet 1859 to dat Amt Beverst. In de Tied von 1859 bet 1885 weer dat Deel von dat Amt Leh un na 1885 von’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
An’n 1. April 1929 hebbt sik de dree Gemenen Adelst, Bruunshusen un Huh tohoopslaten. Ok de Oort Stubben is dorbi von de Gemeen Bokel an disse ne’e Gemeen wesselt. De ne’e Gemeen hett denn den Naam Stubben kregen, von wegen den Bahnhoff. De Gemeen Stubben is an’n 1. April 1971 Deel von de Samtgemeen Beverst worrn. De bestünn bet to’n 1. November 2011. An dissen Dag is de Samtgemeen in en Eenheitsgemeen ümwannelt worrn un Stubben hett sien Status as egenstännige Gemeen verloren. Sietdem höört Huh to de Oortschop Stubben binnen de Gemeen Beverst.
Inwahnertall
ännern| Johr | Inwahners |
|---|---|
| 1791[1] | 4 Füürsteden |
| 1812[2] | 27 |
| 1848[3] | 29 Lüüd, 4 Hüüs |
| 1. Dezember 1871[4] | 29 Lüüd, 6 Hüüs |
| 1. Dezember 1885[5] | 40 Lüüd, 6 Hüüs |
| 1. Dezember 1905[6] | 41 Lüüd, 7 Hüüs |
| 1. Dezember 1910[7] | 49 |
Religion
ännernHuh is evangeelsch-luthersch präägt un höört to dat Kaspel von de Fabian-un-Sebastian-Kark in Beverst.
För de Kathoolschen is de Johannes-de-Döper-Kark in Lox tostännig, de 1965 grünnt worrn is. Vör 1965 weer de Nikolaus-Kark in Wulsdörp tostännig. De Johannes-de-Döper-Kark höört siet 1. November 2006 to de Karkengemeen Hillig Hart Jesu in Geestmünn.
De Karkhoff Huh is 1882 anleggt worrn. Vörher sünd de Lüüd op’n Karkhoff Beverst un noch fröher (vör 1848) bi de Kark in Beverst begraven worrn.
Kultur
ännernEn Denkmaal för de Fullenen ut de twee Weltkrieg’ steiht in Stubben bi’n Bahnhoff.
Weertschop un Infrastruktur
ännernFör Huh is de freewillige Füürwehr Stubben mit tostännig.
Verkehr
ännernDe eenzige Straat ut Huh rut löppt na Stubben un an de Landsstraat 134, de in’n Noordoosten na Beverst an de Bundsstraat 71 geiht un in’n Süüdwesten över Bokel un Braamst na Hagen. De B 71 wedder föhrt in’n Noordwesten na Bremerhoben un in’n Noordoosten na Bremervöör.
De nächste Autobahn is de Autobahn 27 (Afsnidd Bremen–Bremerhoben). De Opfohrt 12 Hagen liggt so 19 Kilometer in’n Süüdwesten von Huh an de K 51.
De nächste Bahnhoff is good twee Kilometer wied weg in’n Süden de Bahnhoff Stubben an de Bahnlien Bremen–Bremerhoben. Dat Gleis von de Bahnlien löppt ok direkt an dat Dörp langs.
Lüüd
ännernDe plattdüütsche Schriever Martin Börsmann is 1851 in Huh boren. Na em hett ok de eenzige Straat von dat Dörp Martin-Börsmann-Straat.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 117
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 102
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 163
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 50
- ↑ Inwahnertallen op gemeindeverzeichnis.de
