Diskuschoon:Leherheide-West

Moin. Dat is jo ok wedder so en tohopensmeten Kram in dissen Artikel. En Info achter de annere, ahn Indelen, ahn Tosamenhang. Dat is doch keen fletigen Text. Dat is nich de Gööd, di en Artikel hebben schüll. --Iwoelbern ✍ 22:24, 14. Jun. 2009 (CEST)

Dat is ja woll de gröttste Dummtüüch, to seggen, LW weer en Polenviddel. Mank de um un bi 500 Utlänners in den Oortsdeel sünd de Polen mit um un bi 100 Minschen de gröttste Grupp. Man en Viddel mit 100 Polen bi 8.000 Inwahners en Polenviddel to nömen, is schier lachhaftig! --22:53, 14. Jun. 2009 (CEST)

Wenn ik dor noch mol över lees, fallt mi noch veel mehr op. Wat intresseert uns hier de Buslienen? Wat schall dor de Afslute Mehrheit vun de CDU vun 1999? Sacelles, du büst du nu lang noog bi de Wikipedia dorbi, dat du weest, woans en vernünftigen Artikel utsehn deit. Un dor is ok al fakener mol över diskuteert worrn. Worüm stellst du denn jümmer wedder so'n halffardigen Kraam hier rin? Seh doch mol to, dat du dien ganzen Steekwöör-Listen, de du hier as Artikels verköpen wull, mol op en vernünftige Gööd un en vernünftigen Inholt bringen deist. Mit tosamenhangen, hele Sätz und mit en Orden un Indelen, dat en dor ok wat vun hett, wenn een dat leest. Un nich dissen tabellarischen Ik-heff-dor-mol-wat-opsnappt-Stil. Dat gifft vele gode Artikels op de, en, nl oder wat sonst noch in Fraag kummt. Statt dissen Murks tosamentoschostern, översett lever gode Artikels - dor hebbt wi all mehr vun. So wat as dit hier ist keen Artikel, und bringt uns Wiki nich een Stück vöran. In'n Gegendeel: dat köst blots tosätzliche Arbeit, vun wegen, dat een dor eerst noch Schick rinbringen mutt. Dat kann nich Sinn vun de Saak wesen. --Iwoelbern ✍ 00:23, 15. Jun. 2009 (CEST)

Woans kann ik dat hinkregen tosammenhangen to schriewen? Sarcelles ✍ 20:00, 16. Jun. 2009 (CEST)

Stellst Du Di afsichtlich so. Du hest doch up düütsch ok all Artikel schreven. Ansonsten kiek die anner Städer Artikel, oder vun Stadtdeelen. Nich all is good. Vör allen Artiekl vun Städer ut de Niege Hanse sünd deelwies ok en Katastroph. Nimmst halt de annern. Eastfrisian ✍ 20:22, 16. Jun. 2009 (CEST)

(Na BK) Dat is noch nich lang her, dat Slomox di dorto ’n ganze Reeg Henwiesen tosamenstellt hett. Aver na de ganzen Tiet, de du nu al an Artikels arbeiten deist, kann ik mi över de Fraag egentlich blots wunnern. Leest du annere Artikels? Denn verklort sik dat doch an sik vun sülvst. En Artikel schall nich eenfach blots Informatschonen sammeln un tosamenstellen, man den Leser ok verkloren, wat dat mit en Saak op sik hett. Dat hier is aver en reine List vun enkelte Fakten. Wenn du nu aver ok na Slomox sien utföhrlichen Tipps letzt’ mol noch nich begrepen hest, wo dat op ankummt, denn kann ik di dat ok nich verkloren. Kann jo wesen, dat di dat Schrieven nich liggt. Denn hett dat aver ok keen Sinn, jümmer wedder solke Artikels antoleggen. Dat Problem is jo nich blots hier. Dat is jo op dien hoochdüütsche Brukersiet ok al faken diskuteert worrn. Man, wenn dat nich hinhaut, denn mutt dat een Dag ok mol goot wesen. As ik baven al schreven heff: Dat gifft so vele fardige Artikels in annere Wikis, de man eenfach blots översetten kann, ahn dat een sik dorbi een afbreken mutt mit dat Anleggen vun ne’e Artikels, de an’t Enn keen sünd. --Iwoelbern ✍ 20:35, 16. Jun. 2009 (CEST)

Sarcelles, wi wüllt mal wat versöken.

Eerste Fraag: Du büst nu al över veer Johr op disse Wikipedia mit togang un liekers weet ik dat nich: Wo kummst du egentlich von af? Du leevst in Noordrhien-Westfalen, aver ik heff di noch nie Westfäälsch schreven sehn. Dien Noordneddersassisch süht ok so ut, as wenn du dat eerst later tolehrt hest. Du hest en poor Artikels op Plautdietsch schreven, un ik mutt seggen, dat de an'n besten utseht (dat kann aver ok dor an liggen, dat ik Noordneddersassisch beter beoordelen kann as Plautdietsch). Wat is dien Plattdüütsch? Schriev in dien Plattdüütsch, dat helpt villicht al wat.

Un denn probeert wi mal dat: Ik geev di nu en Opdrag. Du översettst den Text ünner Bruker:Sarcelles/Gortiz (de Text stammt ut den hoochdüütschen lesenswerten Artikel de:Chortyzja). Den kumpletten Text. Du lettst nix weg. Allens wat dor insteiht, schall ok in dien översett Artikel weddertofinnen wesen. Du schallst aver nich Woord för Woord översetten. Bi jeden enkelten Satz denkst du eerstmal na "Wie kann ik dat villicht anners noch beter utdrücken?". Wenn de hoochdüütsche Artikel schrifft In der stark industrialisierten Stadt Saporischschja stellt Chortyzja mit ihren Wäldern, Wiesen, Seen und Stränden ein beliebtes Naherholungsgebiet dar. denn schriffst du nich In de stark industrialiseerte Stadt Saporischschja stellt Gortiz mit sien Woolden, Wischen, Seen un Strannen en beleevt Naherholungsrebeet dor. Du brickst dat en beten op un maakst dor to'n Bispeel De Stadt Saporischschja hett veel Industrie un dorüm maakt de Lüüd von Saporischschja geern Utflöög na Gortiz mit sien vele Woolden, Wischen, Seen un Strannen. De Gehirnwindungsloopings, de de hoochdüütsche Spraak jümmer maakt, striekst du also wedder en beten gladd. Eenfache Wöör.

Du översettst den Text in dien Plattdüütsch. Wenn du trech büst, denn leest wi em nochmal dör un denn köönt wi em op Gortiz schuven. Un nix weglaten! (Mehr toschrieven dröffst du, aver blot, wenn du ganz genau nadenkst un denn seggst: Jo, an disse Stell passt dat allerbest rin.) --::Slomox:: >< 21:53, 16. Jun. 2009 (CEST)

Dank för de Antworden. Ik bün in den westfäälsch snacken Deel vun Westfalen baren. Miene Öllern un Grootöllern hebben keen Plattdüütsch snackt. As Kind bün ik in den westfäälsch snacken Deel vun't Ruhrrebeet kamen. Nu läw ick wedder in't westfäälsche Westfalen. Mien Vader is aver ut dat tominst inst noordneddersassisch snackene Westfalen. Ick heww as Grundschöler anfungen, mi mit dat Plattdüütsche to befaten.

Vele Gröten, ick versöök dat op Plautdietsch Sarcelles ✍ 21:15, 8. Jul. 2009 (CEST)