Diskuschoon:Wupperdaal

Dialekten

Ik sla vör, dat dor schrewen warrt, dat Ongerbarmen un Elwerfeld (traditschonell) Limborgsch snacken doot un Overbarmen westfäälsch. Sarcelles ✍ 17:13, 26. Okt 2009 (CET)

Wi schullen dat lever Bergsch nömen un nich Limborgsch. Un is dat mit dat westfäälsche Overbarmen gewiss? To Wenker sien Tieden hett Overbarmen al düüdlich mehr Kennteken von dat Bergsche as von dat Westfäälsche hatt (de Göös bieten di dood un nich de Göös biet di dood, kallen un nich küern etc.). Fröher güng de Grenz von de westfäälsche Mark un Berg worraftig dör dat hüdige Rebeed von de Stadt Wupperdaal. Nächstenbreck un Langerfeld sünd eerst mit de Franzosen na Berg kamen un weren vördem Märksch. Ok to Wenker sien Tieden hebbt disse beiden Öörd vör allen westfäälsche Kennteken hatt. Bi Overbarmen sünd de Koorten nich düüdlich noog, dor is nich ruttokennen, wo dat polietsch tohöört hett. Aver Overbarmen hett to de Kark von Schwelm höört un dormit is dat wohrschienlich, dat dat ok polietsch to de Mark höört hett. Liekers weer dat ja een Oort. Barmen weer in de ole Tied noch keen Stadt. Noch nichmal en Dörp. Dat weer en Buurschop, de blot ut Hööv bestünn, de enkelt un verstreit legen. Nu is de Fraag, wat duller weer, de Trennung in Politik un Kark, oder de Utgliek in'n Oort. Wenn du dor en Bewies för hest, dat Ünner- un Overbarmen worraftig verscheden snackt hebbt, denn köönt wi dat geern ännern. Aver ans schullen wi dat lever nalaten. Vondaag tominnst gifft dat keen Ünnerscheed mehr. --::Slomox:: >< 18:13, 26. Okt 2009 (CET)

Dorto en Zitat ut dat Korrespondenzblatt des Vereins für niederdeutsche Sprachforschung von 1906, S. 19 (över de Naams för de Lünen, sassisch hliuning, franksch musca): Im Allgemeinen sind die Geltungsgebiete von lüning und mösch streng geschieden, in der Art, dass z. B. in Elberfeld und Unterbarmen mösche, in Oberbarmen hüling (wohl verdruckt für lüling) gilt.

Süht also so ut, as wenn dat stimmt mit de Grenz. --::Slomox:: >< 20:15, 24. Jan. 2010 (CET)

Naams in't Limborgsche vun't Wupperdaal

Schöölt Naams op Limborgsch in den Artikel schreven warrn? (Wopperdal, Overbarmen un Ongerbarmen) Sarcelles ✍ 18:08, 26. Okt 2009 (CET)

In dissen Fall nich, denn hast de Artikel up Limborgsch-Platt anleggen musst. Sonst hebb wi vun all Dialekten dor wat drin. Oder Du schriffst dat kumplett üm.Eastfrisian ✍ 18:47, 26. Okt 2009 (CET)

Ik glööv, Sarcelles meent sowat as Wupperdaal (hoochdüütsch Wuppertal, bergsch Wopperdal). Dat köönt wi mientwegen maken. Wenn dat aver doch so meent is, dat de Naams kumplett Begsch dorstahn schöölt, denn geev ik Eastfrisian recht. --::Slomox:: >< 19:07, 26. Okt 2009 (CET)

Bi http://www.plattkaller.im-wuppertal.de/datform_gedicht.html heet dat Wopperdal. Is de Steed op Plattdüütsch? Sarcelles ✍ 21:48, 30. Nov. 2011 (CET)

Industrielle un rieke Rebeden

Ik slag vör, dat Bispelen vun rieke un industrielle Rebeden in den Artikel schreven warrn. Sarcelles ✍ 19:46, 27. Okt 2009 (CET)

Un ik slaag vör dat doot wi nich. --::Slomox:: >< 20:02, 27. Okt 2009 (CET)

Wupperdaal hett grote Rebeden, de sick ünnerscheden un bet in't 20. Johrhunnert Städer weern. Sarcelles ✍ 20:04, 27. Okt 2009 (CET)