De Distrikt Bremen (oder Arrondissement Bremen) weer as Distrikt en Verwaltungsrebeed in de Franzosentied (1810-1813). De Seet weer Bremen.

Historie ännern

Dat Rebeed hett vörher to dat Hertogdom Bremen (Kurförstendom Hannover), dat Hertogdom Ollnborg un to Bremen höört.

An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.

Binnen Westfalen hebbt de hannöverschen Rebeden von dat, wat later de Distrikt Bremen warrn schull, to de Distrikte Veern un Bremervöör in dat Departement von de Elv- un Wersermünn tohöört. To’n 1. Januar 1811 harr dat en Enn. Dat Königriek Westfalen müss dat Departement direkt an dat Franzöösche Kaiserriek afgeven. Ok Bremen un dat Hertogdom Ollnborg, de vörher franzöösch besett, aver egenstännig weren, sünd to disse Tied Deel von dat Kaiserriek worrn. De Distrikt Bremen weer nu een von de veer Distrikte, ut de dat Departement von de Wersermünnen tohoopsett weer.

1813/1814 sünd de Franzosen slahn un dat Rebeed befreet worrn. Dat Kurförstendom Hannover, Bremen un dat Hertogdom Ollnborg (as Groothertogdom Ollnborg) sünd denn wedder herstellt worrn un de ole Stand von vör 1810 weer wedder dor.

De Distrikt harr 104.299 Inwahners un weer indeelt in ölven Kantons: