Kanton Syke
De Kanton Syke weer as Kanton en Verwaltungsrebeed in de Franzosentied (1811-1813). De Seet weer Syke.
Historie ännern
Dat Rebeed weer vörher Deel von de Graafschop Heien (Kurförstendom Hannover) un hett dor to dat Amt Syke höört.
An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.
Binnen Westfalen hebbt de beiden Kantons Nee-Syke un Oold-Syke bestahn, de in’n Distrikt Veern von dat Departement von de Elv- un Wersermünnen legen. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De beiden Kantons sünd tohoopleggt worrn to een Kanton un hebbt ok noch Rebeed von de Kantons Neebrooksen un Harpstäe tokregen. Dat weer nu een von de ölven Kantons, ut de de Distrikt Bremen in dat Departement von de Wersermünnen tohoopsett weer.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor.
Kantons ännern
De Kanton harr 11.554 Inwahners un weer indeelt in veer Mairien:[1]
Footnoten ännern
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 98
Achem | West-Kanton Bremen | Oost-Kanton Bremen | Kanton Neestadt Bremen | Landkanton Bremen | Leendaal | Otterbarg | Rodenborg | Syke | Thänhusen | Veern