Distrikt Bremervöör
De Distrikt Bremervöör (oder Arrondissement Bremervöör) weer as Distrikt en Verwaltungsrebeed in de Franzosentied (1810-1811). De Seet weer Bremervöör. In’n Oktober 1810 is Otto von Gruben Ünnerpräfekt von’n Distrikt Bremervöör worrn.[1] Later is he na’n Distrikt Bremerleh wesselt.
Historie
ännernDat Rebeed hett vörher to dat Hertogdom Bremen (Kurförstendom Hannover) höört.
An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.
Binnen Westfalen weer de Distrikt Bremervöör een von de dree Distrikte in dat Departement von de Elv- un Wersermünnen. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Distrikt is oplööst worrn. Bremervöör sülvs is Deel von’n Distrikt Stood in dat Departement von de Elvmünnen worrn, de gröttste Deel von’n Distrikt keem aver an de Distrikte Bremen un Bremerleh in dat Departement von de Wersermünnen.
1813/1814 sünd de Franzosen slahn un dat Rebeed befreet worrn. Dat Kurförstendom Hannover is denn wedder herstellt worrn un de ole Stand von vör 1810 weer wedder dor.
Kantons
ännernFootnoten
ännern- ↑ Augsburger Allgemeine Zeitung. 17. August 1810
- ↑ Bulletin des lois du Royaume de Westphalie. Königliche Bookdruckeree, Kassel 1810, Sied 11
