Distrikt Neenborg
De Distrikt Neenborg (oder Arrondissement Neenborg) weer as Distrikt en Verwaltungsrebeed in de Franzosentied (1810–1813). De Seet weer Neenborg. Ünnerpräfekt von’n Distrikt Neenborg weer Johann Christian Friedrich Eisendecher.[1]
Historie
ännernDat Rebeed hett vörher to dat Graafschoppen Hoya un Deefholt binnen dat Kurförstendom Hannover höört.
An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.
Binnen Westfalen weer de Distrikt Neenborg een von de dree Distrikte in dat Departement von de Aller. Dor hebbt 16 Kantons tohöört:
- Kanton Neenborg-Stadt
- Kanton Neenborg-Land
- Kanton Stolzenau
- Kanton Staarbarg
- Kanton Sulingen
- Kanton Ehrenburg
- Kanton Deefholt
- Kanton Lemförde
- Kanton Baarnstrup
- Kanton Harpstäe
- Kanton Bassen
- Kanton Neebrooksen
- Kanton Hoya
- Kanton Ooldbrooksen
- Kanton Rehburg
- Kanton Niestadt
Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Grenzen von’n Distrikt hebbt sik dorbi ännert. Tokamen sünd de Kantons Visselhöövd un Soltau ut den oplöösten Distrikt Horborg von dat Departement von de Nedderelv. De Kantons Rehburg un Niestadt sünd in dat westfäälsche Departement von de Aller bleven un an’n Distrikt Hannover gahn. De Kantons Deefholt un Lemförde sünd in’n franzööschen Distrikt Quokenbrügge in dat Departement von de Bövere Eems wesselt. De Distrikt Neenborg weer nu een von de veer Distrikte, ut de dat Departement von de Wersermünnen tohoopsett weer.
1813/1814 sünd de Franzosen slahn un dat Rebeed befreet worrn. Dat Kurförstendom Hannover is denn wedder herstellt worrn un de ole Stand von vör 1810 weer wedder dor.
De Distrikt harr 50.327 Inwahners un weer indeelt in acht Kantons:
Footnoten
ännern- ↑ Augsburger Allgemeine Zeitung. 17. August 1810