Nienborg

Stadt in Neddersassen
(wiederwiest vun Neenborg)
Wapen/Flagg Koort

Wapen vun Nienborg

Nienborg
Laag vun Nienborg in Düütschland
Basisdaten
Bundsland: Neddersassen
Landkreis: Landkreis Nienborg/Werser
Flach: 64,45 km²
Inwahners: 31.550 (30. September 2019)
Hööchd: 25 m över de See
Postleettall: 31582
Vörwahl: 05021
Geograafsche Laag:
Koordinaten:52° 38′ N, 9° 13′ O
52° 38′ N, 9° 13′ O
Grenzen bi OSM: 1183257 1183257
Gemeenslötel: 03 2 56 022
Öörd in de Gemeen: 5 Stadtdelen
Börgermeester: Henning Onkes
Websteed: www.nienburg.de

Nienborg (ook Neenborg oder Negenborg) is en Stadt in Neddersassen mit 31.550 Inwahners (Stand 30. September 2019) un de Kreisstadt vun den Landkreis Nienborg/Werser.

GeografieÄnnern

LaagÄnnern

Nienborg liggt an de Werser twischen Hannober (51 km) un Bremen (64 km). De Stad is de gröttste Stad un weertschaplich Middelpunkt vun de Middelwerser-Region.

Nahbergemeen sünd (klockwies) Drakenborg, Heemsen, Steembke, Stöckse, Linsborg, Husum, Estorf, Binnen un Markloh.

StaddelenÄnnern

  • Nienborg/Werser
  • Erichshagen-Wölpe
  • Holtörp
  • Langendamm
  • Schaperhoff-Kattriede

HistorieÄnnern

 
Nienborg 1647

In een Urkunn vun 1025 is dat eerste mal vun Nienborg watt seggt worrn. 1215 is Nienborg na de Graafschop Hoya kamen un hett 1225 dat Stadrecht kregen. De Graafen vun Hoya hebbt Nienborg vun 1345 an as Residenz bruukt bit 1582 de leste Graaf, Otto VIII., storben is. Na düsse Tied hörte Nienborg na de Hertöge vun Bronswiek-Lümborg to, de ut Nienborg een Festung makt hebbt.

In´n Dartigjöhrigen Krieg (1618-1648) is Nienborg faken belagert un brandschatzt worrn. De Heerföhrers Tilly un Pappenheim sünd mehrmals in Nienborg wesen. In de Tied vun´n Söbenjöhrig Krieg (1756-1763) is de Stad vun franzöösch Truppen besett worrn un de Börgers mössen bannig veel Geld för de Kontributschoon betahlen. 1758 hett Hertog Ferdinand vun Bronswiek-Wolfenbüttel de Franzoosen wegjagt. As Napoleon in de Koalitschoonskriege (1792-1815) in ganz Europa ramentert harr, sünd 1803 all weer franzöösch Suldaten na Nienborg kamen. 1810-1813 höörte Nienborg sogoor na Frankriek to. As de Franzoosen na Napoleon sien Rinfall in Russland utneit sünd, höörte Nienborg denn nä dat Königriek Hannober to. Man bloots bit 1866, as Hannober een prüßisch Provinz worrn is. Na den Tweeten Weltkrieg gehöörte Nienborg to´n 1946 neegrünnt Bundsland Neddersassen un dat is vandaage jümmer noch so.

In de neddersassisch Gemenreform vun 1974 sünd de Nahbergemeen Erichshagen-Wölpe, Holtörp, Langendamm und Schaperhoff-Kattriede na Nienborg toleggt worrn.

PolitikÄnnern

StadraatÄnnern

De 38 Sitte vun Stadraat verdeelt sick so:

(Stand: Kommanalwahl vun 11. September 2011.)

BürgermeesterÄnnern

Börgermeester is siet 2006 Henning Onkes, de een egen Sitt in Stadraat hett.

WapenÄnnern

Dat Wapen wiest een blaun Löw mit negen Harden up geelen Grund, een swatten Beerpoten up geelen Grund un een witten Stadmuur mit Toorns un Staddoor up roon Grund. De Beerpot steiht för de Graafen vun Hoya (Herrschap 1215-1582), de Löw steiht för de Hertöge vun Brunswiek-Lümborg (Herrschap 1582-1866) un de Stadmuur för de Stadrechte (1225).

StäärpartnerschapÄnnern

De Partnerstäär vun Nienborg sünd:

Wat een sik ankieken schall un wo een hengahn kannÄnnern

 
Raathuus
 
Stocktoorn
 
Lütte Nienborgerin
 
Spargelborn

TheaterÄnnern

  • Theater auf dem Hornwerk
  • Jazz-Keller

BowarkenÄnnern

  • Borgmannshoff Hakenhof
  • Borgmannshoff Fresenhof (vandaag Museum un Musikschool)
  • Borgmannshoff Posthof (vandaag Bökeree)
  • Börgerhüüser vun 16.-19. Johrhunnert
  • Gotisch Hallenkark St. Martin vun 1441
  • Leintor-Windmöhl vun 1841
  • Quaet-Faslem-Huus vun 1821 (vandaag Museum)
  • Raathuus vun 14. Johrhunnert mit Werserrenaissance-Gebel vun 1585 un Toorn vun 1778
  • Rookhuus vun 1633 (vandaag Nedersassisch Spargelmuseum)
  • Stocktoorn, Rest vun dat ole Slott

DenkmaalsÄnnern

  • De lütte Nienborgerin, 1975, Symbolfigur vun Nienborg
  • Ross Bayard, 1987, een Geschenk vun de Partnerstad Dendermonde
  • De wiehern Hingst, 1989, vun Gerhard Marcks
  • De Nienborger Glasbläser, 1991, för den 100. Johrsdaag vun de Glashütt
  • Karl de Grotte un Sassenhertog Widukind, 1991, för den 550. Johrstag vun St. Martin
  • Spargelborn, 1998, för den Nienborger Spargel
  • Madonna vun Tschernobyl, 2000, för de Lüüd ut de wittrussische Partnerstad Wizebsk

AnnersÄnnern

  • Gendarmmuseum Neddersassen, wiest de Historie vun de Gendarms in Neddersassen
  • Glockenspeel, speelt klock 9, 12 und 15 dat Leed vun de "Lütte Nienborgerin"
  • Ostdüütsch Heimootmuseum, wiest Historie un Kultuur vun de fröher Ostgebiete vun dat Düütsche Riek
  • Storkhuus, Börgerhuus wo Störke siet 1885 bröden dot
  • Wallanlagen, Gröönanlaag rund üm de Stad
  • Wölper Borg, Rest vun de Borg vun de Graafen vun Wölpe

Wat to ätenÄnnern

  • Nienborger Beertatzen: Een lütten Koken in Form vun de Beerpoten vun Hoya, den se siet 1791 in Nienborg backen dot.
  • Nienborger Spargel: De Region vun Nienborg is een bedüdent Anbogebeet for düsse Delikatesse. In Spargelmuseum kann een allns öber Spargel bekieken.

WeertschapÄnnern

  • Ardagh Glass Germany GmbH, Glashütt
  • BASF Catalysts Germany GmbH, Chemie
  • Frikoni Food GmbH & Co.KG, Frätereesaken
  • MEGA Industriefertigungen GmbH, Chemie
  • NIKU GmbH, Chemie

InstitutschoonenÄnnern

 
Gendarm-Akademie Neddersassen
  • Amtsgericht Nienborg, tostännig för Nienborg un den nördlichen Landkreis Nienborg
  • Bunnswehr, Clauswitz-Kaserne
  • Füerwehr-Teschnich-Zentraal, Pleeg un Prööfung vun Geräten un Brandschutzutbillung
  • Mittelwerser-Kliniken, Krankenhuus mit 246 Betten
  • Gendarm-Akademie Neddersassen, 500 Studenten un 130 Utbiller
  • Polizeiinspektschoon Nienborg/Schumborg, för Landkreise Nienborg un Schumborg tostännig
  • Waterschutzpolizei Nienborg, tostännig för de Werser twischen Hann.Münden un Bremen un de Aller twischen Celle un Veern.

BillungÄnnern

  • 5 Grundschoolen
  • 2 Hauptschoolen
  • 2 Realscholen
  • 2 Gymnasien
  • 1 Beropschool
  • 1 Förderschool
  • 1 School für geistig Behinnerte