Dodenbarg
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27367 | |
| Vörwahl: | 04205 | |
| Geograafsche Laag: | Koordinaten:53° 5′ N, 9° 10′ O53° 5′ N, 9° 10′ O | |
|
| ||
Dodenbarg (hoochdüütsch Dodenberg) is en lütten Oort in de Gemeen Söttmer (Samtgemeen Söttmer) in’n Landkreis Rodenborg, Neddersassen. De Oort höört polietsch al von öllers bi Evernhusen mit bi.
Geografie
ännernDe Hoff liggt an de Wümm op’n Rand von de Geest twüschen Wümm un Wiest, dicht bi de Steed, an de de Reithbeek in de Wümm münnt.
De Naveröörd sünd Stuckenbossel, de Barkhoff un Söttmer in’n Noordoosten, Fährhoff un Evernhusen in’n Süüdoosten, Wümmingen un Postdörp in’n Süden un Otterbarg in’n Noordwesten.
Historie
ännernDe Oort keem 1540 as thom dodenberg in en Oorkunn vör. De Naam kummt wohrschienlich von de Hünengräver, von de dat dor en Reeg geven hett.
De Hoff höört vondaag de Familie Böschen to, de dor siet 1987 Putenmast bedrifft.[1]
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Horß in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Amtsvaagdie Söttmer in dat Amt Rodenborg tohöört. Na 1885 weer dat in’n Kreis Rodenborg. 1977 is dat Deel von’n ne’en un grötteren Landkreis Rodenborg worrn.
De Oort is as Deel von de Gemeen Evernhusen an’n 1. März 1974 mit de Gemeenreform in Neddersassen an de Gemeen Söttmer kamen.
Inwahnertall
ännern| Johr | Inwahners |
|---|---|
| 1791[2] | 1 Füürsteed |
| 1812[3] | 10 |
| 1824[4] | 1 Füürsteed |
| 1848[5] | 10 Lüüd, 2 Hüüs |
| 1. Dezember 1871[6] | 15 Lüüd, 2 Hüüs |
| 1. Dezember 1885[7] | 19 Lüüd, 2 Hüüs |
| 1. Dezember 1905[8] | 8 Lüüd, 1 Huus |
Religion
ännernDodenbarg is evangeelsch-luthersch präägt un höört to dat Kaspel von de Georg-Kark in Söttmer.
För de Kathoolschen is de Corpus-Christi-Kark in Rodenborg tostännig.
Weertschop un Infrastruktur
ännernEn Stück in’n Oosten von’n Hoff liggt de Raststeed Grundbargsee an de A 1.
Verkehr
ännernVon Dodenbarg löppt een Straat na Oosten bi Evernhusen an de Kreisstraat 237 un een na Noordoosten dör Hemelbarg un in Stuckenbossel an de Landsstraat 168. De annern Weeg na Dodenbarg, de ok an de L 155 twüschen Otterbarg-Bahnhoff un Postdörp gaht, sünd blots Feldweeg. De L 168 löppt in’n Westen na Otterbarg un geiht in’n Oosten in de Bundsstraat 75 över, de na Söttmer un Rodenborg löppt. De K 237 löppt von Evernhusen an de B 75 twüschen Stuckenbossel un Söttmer.
De nächste Autobahn is de Autobahn 1 (Afsnidd Hamborg–Bremen). De Opfohrt 51 Postdörp liggt blots een Kilometer Luftlien von Dodenbarg weg in’n Süüdoosten op dat annere Över von de Wümm. Dor is aver blots över lüttjere Feldweeg hentokamen. Över betere Straten is de nächste Opfohrt so veer Kilometer in’n Noordoosten an de B 75.
De nächste Bahnhoff is de Bahnhoff Otterbarg an de Bahnlien Hamborg–Bremen. Över de lüttje Wümmbrügg bi Dodenbarg is he blots dree Kilometer wied weg in’n Noordwesten. Över de beter utbooten Straten is he acht Kilometer weg, jüstso wied as de Bahnhoff Söttmer.
Scholen
ännernDe Kinner von Dodenbarg gaht na de Grundschool Söttmer. Na de 4. Klass wesselt se op de Oberschool Söttmer oder op dat Gymnasium Söttmer.
Fröher sünd se na de Volksschool in Evernhusen gahn, de 1937 dichtmaken müss. Na 1937 güngen se denn na de Volksschool in Stuckenbossel, de 1975 en Butensteed von de Grundschool Söttmer worrn is un in de Johren 1980 ganz dichtmaakt hett. Sietdem mööt de Kinner ut Dodenbarg in Söttmer na School.
Footnoten
ännern- ↑ Tobias Woelki: Rund 140 Interessierte besichtigen Putenmaststall in Everinghausen-Dodenberg: „Transparenz schafft Akzeptanz“, Kreiszeitung an’n 28. März 2013
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 57
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 97
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 136
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 167
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 178
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 150
