Don Abney
Don Abney, eegentlich John Donald Abney, (* 10. März 1923 in Baltimore, Maryland; † 20. Januar 2000 in Los Angeles, Kalifornien) weer en US-amerikaanscher Jazz-Pianist.
Abney studeer eerst privat in Baltimore. Nah de Militärtiet, wo he as Hornist in de Militärkapell tätig weer, speel he eerst bi Buddy Johnson 1946 un truck denn nah New York, wo he an de Manhattan School of Music Piano un Harmonielehre studeer. He speel denn bi Wilbur de Paris 1948/49 Dixieland Jazz. In de 1950er Johren arbeit he as Solopianist (1950/51) un bi Bill Harris/Kai Winding, mit Chuck Wayne 1952 un Oscar Pettiford 1952, dornah mit Sy Oliver, Thelma Carpenter un Louie Bellson. 1955 harr Abney en Upträe in de Film Pete Kelly's Blues. Mit sien Studioorchester, in dat u.a Al Cohn, Joe Wilder, Barry Galbraith un Milton Hinton speelt hemm, hett he 1957 Marilyn Monroe up hör Album Moody begleit.
Mit Jazz at the Philharmonic tour he mehrfak dör Europa. He is mit tallriek groot Interpreten vun den Jazz, as t. B. Louis Armstrong, Ella Fitzgerald, Sarah Vaughan, Oscar Pettiford, Carmen McRae oder Betty Carter uptreden. Af 1960 weer he as Studiomusiker bi de Sender NBC tätig. 1962 truck he nah Los Angeles, wo he bi Benny Carter, Stan Kenton (1966) un verscheeden Studiobands speel. Van 1969 bit 1971 harr he en eegen Trio. In de 1970er Johren hett he denn as musikalisch Direkter för Rosemary Clooney arbeit. 1980 översiedel ha nah Japan, wo he meest een Johrteint as Pianist tätig weer. Wegen Krankheit muss he sien aktive Musikertätigkeit 1993 upgeven; eerst kört vör sien Dood is Abney in de Vereenigt Staaten torüchkehrt.
Don Abney hett ok an Upnahmen vun Eddie South (1947), Al Sears (Swings the Thing!, 1960) un Carol Sloane (1982) mitwarkt. He is nah Ansicht vun Leonard Feather un Ira Gitler vun Nat Cole, Ellis Larkins un Art Tatum beinfloot.
Abney is an Nierenproblemen storven.
Weblenken
ännern- Don Abney, A Resourceful Pianist in Jazz and Studio Settings Biografie bi www.jazzhouse.org
- Don Abney Biografie in de All Music Guide
Born
ännern- Leonard Feather and Ira Gitler, The Biographical Encyclopedia of Jazz. Oxford/New York, 1999, ISBN 978-0-19-532000-8